HALUMBAAN 15:8 - BIBEL JAMITA NA DENGGAN

⁸ Jadi gok ma antong Bagas Na Badia i dohot timus sian hasangapan dohot sian hara ni kuasoNia. Jana salolot so sidung dope mara na pitu i dibaen surusuruan na pitu i, sahalak pe nada dipatola masuk tu bagasan Bagas Na Badia i.

HALUMBAAN 15:8 ပူးပေါင်းရင်းမြစ်များ

MASMUR 29:9

Sora ni Tuhan mambaen maranak ursa boru-boru, jana harangan gabe gundul, jana di bagasNia sandok jolma mandok: “Sangap!”

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

JESAYA 6:4

Humutur ma ojahan ni pintu dibaen sora ni halahi i, jana bagas i pe gok ma dohot timus.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

ANDUNG 3:44

Songon ombun na hapal do murukMu gabe nada tartombus angka tangiangnami i.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 21:11

mardongan hasangapan dohot hagodangan ni Debata. Marsilo-silo do kota i idaon songon batu simata na umjeges, songon batu simata jaspis ias songon kristal.