HALUMBAAN 15:6 - BIBEL JAMITA NA DENGGAN

⁶ Manigor ruar ma pitu surusuruan – i ma na mangurus mara na pitu i – sian bagasan Bagas Na Badia i. Sian abit linen do pakean ni halahi, ias jana marnyirlak-nyirlak. Jana adong do panutup ni andora ni halahi na nibaen sian sere.

HALUMBAAN 15:6 ပူးပေါင်းရင်းမြစ်များ

DANIEL 10:5

Hupadorgak ma bohingku jana huida ma sada halak na marpakean abit linen jana na marbobat sere na polin.

LUKAS 24:4

Jadi di na lalap-lalap jongjong halahi disi, ompot ma jongjong dua halak na marpakean na marsirlak di lambung ni halahi.

HALUMBAAN 1:13

Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.

HALUMBAAN 14:15

Dung i ruar ma sahalak surusuruan na asing sian Bagas Na Badia. Digogoi ia ma sorania marsurak tu na juguk di ginjang ni ombun i, “Paruar ma sasabiMi jana sabi ma saonnari, harana madung dapot hatihana sabion; madung tarsabi tano on!”

HALUMBAAN 14:17

Dung i huida muse ma sahalak nari surusuruan na asing ruar sian Bagas Na Badia di banua ginjang. Ia pe laing maniop sasabi na tajom do.

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”