HALUMBAAN 15:4 - BIBEL JAMITA NA DENGGAN

⁴ Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 15:4 ပူးပေါင်းရင်းမြစ်များ

MASMUR 105:7

Ia do Tuhan, Debatanta, marlaku do uhumNia di sandok tano on.

MASMUR 111:9

Dipalua Tuhan na badia jana na marsahala i bangsoNa, jana dibaen Ia parjanjian na hot dohot halahi sudena.

MASMUR 22:23

Hamu angka na daulat marroha, puji hamu ma Ia! Ale pomparan ni si Jakob pasangap ma Ia! Ale pomparan ni Israel, marsomba ma hamu tuSia!

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 22:3

Tutu do Ho Raja Na Sun Badia na maringanan di ginjang puji-pujian ni halak Israel.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

MASMUR 97:8

Sonang pangkilaan ni halak Sion dohot angka kota ni Juda di na umbege haputusan ni Tuhan.

MASMUR 99:5

Puji ma Tuhan Debatanta, manungkap ma hamu di joloNia, angke na badia do Ia!

MASMUR 99:9

Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

JESAYA 25:3

Pujion ni angka bangso na gogo ma Ho, angka bangso na jungkat mabiar mida Ho.

JESAYA 26:9

Muda borngin, sai Ho do dihalungunkon rohangku. Di manyogot pe, Ho do dihalungunkon tondingku. Muda manguhumi Ho sanoli on, tandaon ni na mangingani tano on ma hatigoranMu.

JESAYA 45:23

Hara ni Au sandiri madung marsumpa Au, sian pamanganKu madung ruar hatigoran, i ma hata no so mose. Sude jolma marsinggang ma di jolongKu, jana marjanji burju mangoloi Au.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

JESAYA 60:5

Marnida i gabe longang jana minar bohimu, gok andoramu hara ni jop ni rohamu. Sinadongan ni angka bangso dioban tu jolomu, mabaor taripar laut manggohi haporluanmu.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

ZAKARIA 14:16

Dung i sandok jolma na laing mangolu dope sian tonga-tonga ni angka bangso na mamorangi Jerusalem i, markehean noma tu kota i laho marsomba tu Raja, Tuhan Na Markuaso i dohot laho manghagodangkon Pesta Undung-undung Bulung Rata.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

SURAT NI SI PAULUS TU PARLAGUTAN ROM 15:9

Angke bangso na asing pe dibaen Ia do pasangap Debata hara ni asi ni rohaNia, songon na tarsurat di Buku Na Badia i, “Hara ni i giot pasangaponku noma Ho di tonga-tonga ni angka bangso. jana mangendehon puji-pujian di goarMu.”

1 PETRUS 1:16

Di Buku Na Badia i tarsurat do, “Angkon badia do hamu, angke Au pe na badia do.”

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 16:5

Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.