HALUMBAAN 15:3 - BIBEL JAMITA NA DENGGAN

³ Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 15:3 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

1 JUJUR TAON 6:49

Anggo si Harun dohot pomparanna, martugas manutung hamonyan ma halahi, manghaulkon haul situtungon di ginjang ni langgatan, mandalankon sude ibadat di Bilik Na Sun Badia dohot manghaulkon haul panyesa dosa ni umat Israel. Sudena i didalankon halahi do hombar tu angka na nipaboa ni si Musa naposo ni Debata i.

2 JUJUR TAON 24:6

Jadi hara ni i, dipio ia ma Malim Joyada, pamimpin ni halahi i lalu didok ia ma, “Nada he disuru si Musa naposo ni Tuhan i do rayat manggarar pajak laho mambalanjoi Bandar Ni Tuhan? Saonnari, biasi nada disosak ompu i angka halak Levi i laho palagutkon pajak sian rayat na di Juda dohot Jerusalem?” (

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

JOB 36:24

Sai na pujion do Ia hara ni pambaenanNia; jana ho pe patutna dohot mamparsangapi Ia.

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 100:5

Dibaen na denggan do Tuhan i jana tongtong manghaholongi sapanjangna do habonaranNia.

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 111:2

Na godang ma antong pambaenan ni Tuhan, disihiri sude halak na manghagiotisa.

MASMUR 111:7

Tigor jana bonar do Tuhan di sasude na nibaenNia, tarpangasahon do sude parentaNia.

MASMUR 139:14

Hupuji ma Ho, angke hahomangan situtu do na dibaenMu tu au, sude pambaenanMu hahomangan do jana patut gabe halongangan,

MASMUR 145:17

Tigor do Tuhan i di sude tindakanNa, gok holong ni roha do Ia di sude na nibaenNa.

MASMUR 145:6

Pajojoron ni halahi ma karejoMu na godang i, giot jamitahononku ma hagodanganMi.

MASMUR 18:30

Sanggam do pambaen ni Debata, janjiNia haposan do di roha. Tudos do Ia tu parince di halak na marpangondian tuSia.

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

MASMUR 92:5

Ale Tuhan, na godang ma antong angka pambaenanMu, bagasna i antong angka pikiranMu!

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

JESAYA 33:22

Sandok perlengkapan na di parau ni halahi i, nada marguna sudena i; nada tarpahirbang angka layarna i! Rampasanta ma sude sinadongan ni musunta, jana hara ni bahatna salang halak na lumpuon pe dapot bagian. Tuhan i sandiri noma na gabe rajanta; mamarenta ma Ia tu hita jana paluaonNia ma hita sian musunta.

JESAYA 45:21

Paboa jana patuduhon ma sidalianmu, olo, padiar ma halahi rap martahi, Ise dehe na paboahon sian na robi, jana mambaritahonsa? Nada he Au, Tuhan? Nada adong na asing, nada adong Debata asing sian Au! Debata na tigor jana Sipalua, nada adong asing sian Au!”

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

PANGARATAION 31:30

Dung i dipajojor si Musa ma ende on lopus sidung jana sude ma bangso Israel manangihonsa.

PANGARATAION 32:3

Hupagodang do goar ni Tuhan bangsoNa i mamaritahon hagodanganNa.

PANGARATAION 34:5

Jadi marujung ma ngolu ni si Musa, naposo ni Tuhan i di tano Moab, laing songon na nidok ni Tuhan i hian.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

JOSUA 22:5

Jana ingot hamu ma! Sipatulusonmunu do uhum na nisuru ni si Musa oloanmunu, i ma: Haholongi ma Tuhan Debatamu, ihutkon ma giotNia, oloi ma angka parentaNa, setia ma ho, jana unduk ma ho mangoloi sian sude rohamu dohot sude tondimu.”

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 11:17

Ninna halahi ma, “Debata Na Markuaso do Tuhan, mandok tarimakasi do hami tu Ho, ale Tuhan Debata Parkuaso Na Sumurung, na adong dohot na dung adong, dibaen madung dipake Ho kuasoMu na godang i, jana madung dipungka Ho pamarentaanMu.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 14:8

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”