HALUMBAAN 15:2 - BIBEL JAMITA NA DENGGAN

² Dung i huida ma tarsongon laut kaco na marcampur api idaon. Huida muse ma angka halak na dung monang mangalo binatang i dohot patung i dohot angka na monang mangalo halak na martanda nomor goarna. Jongjong ma angka halak na monang i di topi ni laut kaco i marsitiop hasapi na nilehen ni Debata tu halahi.

HALUMBAAN 15:2 ပူးပေါင်းရင်းမြစ်များ

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HALUMBAAN 13:1

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 13:17

Sahalak pe nada tarbaen manobusi sanga manggadis bagi aha anggo nada adong disia tanda i, i ma goar ni binatang i sandiri sanga nomor ni goarnia.

HALUMBAAN 21:18

Sian batu intan jaspis do dibaen tembok ni kota i, jana kota i sandiri sian sere na polin do dibaen, lan songon sormin na tiur.

HALUMBAAN 4:6

Jana laing adong muse dope di jolo ni habangsa i tarsongon laut sorminan, lan songon kristal. Adong muse do opat mahluk humaliang habangsa na di tonga-tonga i, na marmata sian jolo dohot sian pudi.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.