HALUMBAAN 14:3 - BIBEL JAMITA NA DENGGAN

³ Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 14:3 ပူးပေါင်းရင်းမြစ်များ

MASMUR 144:9

Endehononku ma di Ho logu na imbaru, ale Debata, jana piltihonku ma hasapi na martali sampulu.

MASMUR 149:1

Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

MASMUR 25:14

Ale-ale ni Tuhan do halak na mabiar tuSia jana dipaboa Ia do janjiNa tu halahi.

MASMUR 33:3

Endehon ma ende na imbaru di Tuhan, denggan baen pamiltik ni hasapi i, jana marsurak ma marjop ni roha!

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 96:1

Endehon ma logu na imbaru di Tuhan! O hamu portibi sudena, marende ma hamu di Tuhan.

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

1 KORINTUS 1:18

Harana anggo di halak na hona uhum ni Debata, songon haotoan do barita taringot tu hamamate ni Kristus di parsilang i. Tapi anggo di hita na nipalua ni Debata, kuaso ni Debata do barita i.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 7:4

Jadi hubege do bilangan ni angka na ni cap i, 144.000 halak sian sude marga ni halak Israel i