HALUMBAAN 14:2 - BIBEL JAMITA NA DENGGAN

² Jadi hubege ma sada sora na mardorom sian langit songon sora ni sampuran na godang dohot songon sora ni ronggur na godang na matuoror. Habegean ma sora i songon sora ni musik sian angka parhasapi na topet mamiltik hasapina.

HALUMBAAN 14:2 ပူးပေါင်းရင်းမြစ်များ

2 SAMUEL 6:5

Si Daud dohot halak Israel i sude mardalan di jolo ni Poti i manortori lalu marendei sagogo-gogona laho pasangapkon Tuhan. Marhasapi, margondang, marnungneng dohot marhesek-hesek.

2 JUJUR TAON 20:28

Di na lalu di kota i, marbaris ma halahi tu Bagas Ni Debata diihutkon sora ni hasapi dohot sarune.

MASMUR 147:7

Marsialus-alusan ma hamu marende puji-pujian tu Tuhan, marende ma hamu mardongan sora ni hasapi di Debatanta.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 57:8

Ngot ma Ho tondingku, ngot ma gambus dohot hasapi, giot sunggulanku ma andostorang i.

MASMUR 92:3

lalu mamiltik gitar sisampulu tali, didongani gambus dohot hasapi.

MASMUR 93:4

Ho do parkuaso godang di banua ginjang, gumogo sian laut do Ho. Gumogo dope kuasoMu ale Tuhan, ulang pado ombak ni laut na jorbut.

MASMUR 98:5

Puji hamu ma Tuhan mardongan hasapi, mardongan hasapi dohot angka ende na jeges-jeges.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

ZAKARIA 9:14

Pataridahonon ni Tuhan ma diriNa tu bangsoNa, songon hipas ni hilap ditembakkon angka anak ni siorNa. Ombuson ni Tuhan Debata ma sarune lalu mardalan maju di bagasan angin na gogo na sian Selatan.

1 KORINTUS 13:1

Sugari tarbaen iba mangkobari di angka hata ni jolma, dohot di hata ni surusuruan, hape inda nihaholongan angka dongan na asing, tudos ma iba songon doal na maruolol sanga songon canang na mangkuling-kuling.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.

HALUMBAAN 1:15

patNa i songon gurasa ni tumbaga na nitutung. SoraNa songon sora ni sampuran na godang.

HALUMBAAN 11:12

Dung i dibege panurirang sidua halak i ma sora na gogo mamio halahi sian banua ginjang, “Beta ma, manaek ma tuson!” ninna. Laing di jolo ni mata ni angka musu ni halahi i, manaek ma halahi tu banua ginjang, dibalut ombun i.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 15:2

Dung i huida ma tarsongon laut kaco na marcampur api idaon. Huida muse ma angka halak na dung monang mangalo binatang i dohot patung i dohot angka na monang mangalo halak na martanda nomor goarna. Jongjong ma angka halak na monang i di topi ni laut kaco i marsitiop hasapi na nilehen ni Debata tu halahi.

HALUMBAAN 18:22

Nada habegean be sian ho sora ni musik ni parhasapi, dohot angka parende, sian parsuling dohot sian pangombus sarune! Sahalak pe nada dapot be halak na malo disi jana sora ni batu panggilingan pe nada adong be habegean.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 8:7

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.