HALUMBAAN 14:1 - BIBEL JAMITA NA DENGGAN

¹ Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 14:1 ပူးပေါင်းရင်းမြစ်များ

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

JESAYA 49:14

Hape didok Jerusalem, “Ditadingkon Tuhan do hita jana dihalupahon Ia.”

JEREMIA 1:11

Disapai Tuhan ma tu au, “Aha do na niidamu, ale Jeremia?” Hualusi ma, “Dangka ni hayu badam do Tuhan.”

JEHESKIEL 1:4

Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.

JEHESKIEL 10:1

Dung i manatap ma au tu na songon langit na di ginjang ni ulu ni angka kerub i, jana huida sada tudos songon habangsa na sian batu intan nilam.

JEHESKIEL 10:9

Huida muse adong do sada roda di lambung ni angka kerub i. Sarupa do roda na opat i, jana marlinang-linang do idaon songon batu intan na jeges. Adong muse ma sada be rodana na olat di tonga-tonga.

JEHESKIEL 2:9

Dung i huida ma tangan na surdu tu au. Ditangan i adong balunan ni karotes,

JEHESKIEL 44:4

Dung i dioban bayo i ma au tu horbangan Utara na paadop-adop dohot Bagas Na Badia i. Hupamanat ma, jana huida ma Bagas Na Badia i digohi sinondang na marlinang-linang na patandahon haroro ni Tuhan. Dung i manungkap ma au jana marsomba,

JEHESKIEL 8:7

Dung i dioban Ia ma au tu pintu masuk ni alaman parduru jana dipatidahon Ia ma tu au sada lubang ni tembok i.

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

DANIEL 12:5

Dung i huida ma dua halak bayo. Na sada jongjong di topi ni batang aek sabola bariba on, jana sahalak nari di topi na di baribaan.

JOEL 2:32

Anggo di hatiha i, dapotan haluaan ma sanga ise na mangido pangurupi ni Tuhan i. Harana di Dolok Sion dohot di Jerusalem giot adong ma haluaan songon na nidok ni Tuhan; sude halak na mamiohon goar ni Tuhan, i do na giot dipalua.”

AMOS 8:2

Disapai Tuhan ma, “Aha do diida ho Amos?” Jadi hualusi ma, “Sada karanjang na marisi parbatu do.” Didok Tuhan ma, “Madung dapot hatihana marujung ngolu ni Israel. Nada ubaonKu be sangkapKu laho manguhum halahi.

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

ZAKARIA 4:2

“Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

LUKAS 12:8

“Tapi Hudok ma di hamu: Ganup halak na mangoku Au di adopan ni halak, okuan ni Anak Ni Jolma ma ia di adopan ni angka surusuruan ni Debata.

SURAT NI SI PAULUS TU PARLAGUTAN ROM 9:33

Songon na tarsurat i, “Ligi da, Hupayakkon do di Sion sada batu partuktuhan dohot sada batu pardandian, jana barang ise na porsaya diSia, nada dipaila be.”

HALUMBAAN 14:14

Dung i huparrohahon ma, gabe huida ma ombun na bontar. Juguk ma di ombun i songon Anak Ni Jolma do idaon rupaNa. Adong do di uluNa i sada tuku sere jana di tanganNa i sada sasabi na tajom.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 15:5

Dung i huida ma marbuka Bagas Na Badia – bandar hasaksian – di banua ginjang.

HALUMBAAN 22:4

jana ligion ni halahi ma bohiNa i. Suratkonon ma goar ni Debata di bohi ni halahi.

HALUMBAAN 3:12

Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.