HALUMBAAN 13:7 - BIBEL JAMITA NA DENGGAN

⁷ Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 13:7 ပူးပေါင်းရင်းမြစ်များ

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 10:15

Tapi didok Tuhan ma, “Tarbaen pato ma he manggodangkon dirina maradopkon na mamakesa? Umporlu ma he gargaji ulang pado halak na mamakesa? Nanggo da potuk-potuk mangangkat halak, tapi halak do na mangangkat potuk-potuk.”

JESAYA 37:26

Na so jungada dope he dibege ho, na Husangkapi hian do i sian narobi? Jana saonnari ma i Hupatulus. Au do da na mangalehen kuaso di ho laho mangaroncohon angka kota na marbenteng gabe tinggal sego-segona.

JEREMIA 25:9

‘PiohononKu ma sude bangso na sian Utara, songon i muse naposongKu si Nebukadnesar raja ni Babel. ArahononKu ma halahi marporang mangalo Juda dohot halakna i sude dohot bangso na humaliangsa. PatimpasonKu sude bangso on rap dohot angka bangso hombarna jana padiaronKu malala sapanjangna. Tarsonggot ma halak na midasa jana panyogiton. Au Tuhan, madung mandok songon i.

DANIEL 12:1

Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

DANIEL 7:21

Di na huparrohahon tanduk i, marporang ma ia dohot bangso ni Debata jana ditaluhon ia do halahi.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

LUKAS 4:6

“Sude kuaso dohot hamoraon on hulehen pe di Ho angke madung dipasahat i sude tu au jana marguru di au do mangalehen i sanga na tu ise pe giotku.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

HALUMBAAN 10:11

Dung i ning ia ma tu au, “Angkon mangulahi do ho manyurirangi tu bahat marga, dohot bangso, dohot bahasa dohot angka raja.”

HALUMBAAN 11:18

Madung muruk do angka bangso, tapi madung ro haririmasMu, dohot hatiha anso ni uhum halak na mate i. Dung i anso dilehen Ho upa di angka naposoMu, i ma angka panurirang, di angka na badia dohot angka na manghabiari goarMu, angka na menek dohot na magodang, jana segohononMu ma angka na manyego-nyego tano on.”

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.

HALUMBAAN 12:17

Mur gilap ma naga i tu dadaboru i, gabe kehe ma ia mangaroro na asing pinompar ni dadaboru i, i ma sasude halak na marmomosi tona ni Debata dohot angka na maniop hasaksian ni Jesus Kristus.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.