HALUMBAAN 13:6 - BIBEL JAMITA NA DENGGAN

⁶ Dung i diungkap ia ma pamangannia mangincahi Debata, bope mangincahi goarNia dohot bandar parmiananNia dohot angka na maringanan di banua ginjang.

HALUMBAAN 13:6 ပူးပေါင်းရင်းမြစ်များ

JOB 3:1

Dung i mamungka ma si Job manghatai jana diburai ia ma ari hatutubunia.

MASMUR 73:9

Dibuka halahi do pamanganna mangalo langit, jana mamburas do dila ni halahi di tano on.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

SURAT NI SI PAULUS TU PARLAGUTAN ROM 3:13

Songon kuburan na talak noma aru-aru ni halahi. Mabaor sipaoto-oto sian dila ni halahi, jana bibir ni halahi marbisa songon ulok.

KOLOSSE 1:19

Na nihagiotan ni Debata sandiri do anso sasudena na dapot di bagasan diri ni Debata sandiri adong muse sudena i di diri ni AnakNia i.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.

IBRANI 9:24

Harana anggo Bilik Na Sun Badia na nipature ni jolma i hum na manggambarkon Inganan Na Badia na satutuna i do i. Banua Ginjang i do na nimasuhan ni Kristus; disi ma Ia saonnari mangadop tu Debata laho manyarihon hita.

HALUMBAAN 11:12

Dung i dibege panurirang sidua halak i ma sora na gogo mamio halahi sian banua ginjang, “Beta ma, manaek ma tuson!” ninna. Laing di jolo ni mata ni angka musu ni halahi i, manaek ma halahi tu banua ginjang, dibalut ombun i.

HALUMBAAN 12:12

Hara ni i, angkon marjop ni roha godang ma banua ginjang dohot sudena na maringanan disi! Tapi marjaya ma anggo tano dohot laut, dibaen madung mijur tu ho Sibolis di hagigilap ni rimasna, harana madung diboto ia santongkin nari noma hatihania.”

HALUMBAAN 15:5

Dung i huida ma marbuka Bagas Na Badia – bandar hasaksian – di banua ginjang.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 5:13

Dung i hubege ma sasude mahluk na di langit, na di tano dohot na di bagasan laut – pendekna sudena mahluk na adong di portibi on – mangendehon, “Na juguk di habangsa i dohot Anak Ni Biri-biri i na tarpuji dohot sipasangapon jana na godang bope na markuaso salolot-lolotna!”

HALUMBAAN 7:15

I ma umbaen na tola halahi jongjong di adopan ni habangsa ni Debata jana mangoloi Ia arian na borngin di bagasan Bagas Na Badia. Jana rap ma Ia na juguk di habangsa i dohot halahi laho mangondihon halahi.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.