HALUMBAAN 13:4 - BIBEL JAMITA NA DENGGAN

⁴ Jana disomba halahi ma naga i hara ni na dung nilehennia i kuasonia tu binatang i. Laing dohot muse do binatang i disomba halahi. Didok halahi ma, “Ise dehe na sarupa songon binatang i? Ise dehe na tarbaen mamorangi ia?”

HALUMBAAN 13:4 ပူးပေါင်းရင်းမြစ်များ

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 46:5

Tu ise ma giot patudosonmunu Au? Adong ma he na tarbaen imbangKu?

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

PANGARATAION 9:2

Angka halakna pe godang jana potonganna pe gogo, raksasa do halahi, jana madung dibege hamu na so adong sahalak pe na tarbaen mangalo halahi.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 13:11

Dung i huida ma sada binatang ro sian darat. Dua tandukna songon tanduk ni Anak Ni Biri-biri. Sorana songon sora ni naga.

HALUMBAAN 13:15

Dipatola do binatang i mangombuskon hosa hangoluan tu bagasan patung i, anso gabe malo mangkobari patung i dohot mamunu sudena halak na so ra marsomba tusia.

HALUMBAAN 13:2

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 18:18

jana marsurak dung diida halahi timus na marbual-bual sian api na manyurbu kota i. Didok halahi, “Nada adong jungada kota na asing songon kota na godang on!”

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.

1 SAMUEL 17:24

Disi diida halak Israel ro si Goliat, manigor marlojongi ma halahi mabiar.