HALUMBAAN 13:3 - BIBEL JAMITA NA DENGGAN

³ Sada sian uluna na pitu i songon na jungada do banga bugangna idaon, tapi madung malum bugangna i. Diihutkon portibi on ma sude binatang i mardongan pangkilalaan na homang-komang.

HALUMBAAN 13:3 ပူးပေါင်းရင်းမြစ်များ

JEHESKIEL 30:24

Jadi pargogoanKu ma tangan ni raja ni Babel, jana Hubaen podangKu di tangannia i. Tapi anggo tangan ni raja ni Mesir i tipulkononKu ma i lopus mangarar ia jana mate di adopan ni raja ni Babel, musuna i.

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

BAENON NI ANGKA RASUL 8:13

Si Simon pe gabe porsaya ma. Dung tardidi ia laing torus ma dipaihut-ihut ia si Pilipus. Homang-homang muse ma si Simon paida-ida angka tanda hahomangan na tarjadi i.

HALUMBAAN 13:12

Dipake ia do kuaso na godang sian binatang na parjolo i. Dipaksa ia ma portibi on dohot sudena na maringanan disi anso marsomba tu binatang na parjolo i, i ma na dung malum i bugangna na banga i.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 17:10

Tardok muse pitu raja do i. Lima madung madabu, na sada madung adong, na sada nari nada adong dope; tapi muda dung ro ia, satongkin do i tola tinggal.

HALUMBAAN 17:11

Jana binatang na jungada i mangolu tapi na so adong i be saonnari, ia sandiri do raja na pasalapankon jana bope songon i sada sian na pitu i kehe ma tu hamagoan i.

HALUMBAAN 17:13

Sarupa do tujuan ni raja na sampulu halak on; rap na giot pasahatkon gogona dohot kuasona do halahi tu binatang i.

HALUMBAAN 17:17

Angke na dung digorakkon Debata do roha ni halahi laho patuluskon sangkap ni Debata. Dibaen Debata ma halahi satahi laho pasahatkon kuaso ni halahi tu binatang i, anso binatang i noma torus mamarenta lopus tarjadi sude na nidok ni Debata.

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.