HALUMBAAN 12:9 - BIBEL JAMITA NA DENGGAN

⁹ Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 12:9 ပူးပေါင်းရင်းမြစ်များ

PAMUNGKAAN 3:1

Ulok do binatang na umbisuk sian sude binatang na nitompa ni Tuhan Debata. Disapai ulok i ma tu dadaboru i, “Tutu ma he na so dipatola Debata hamu mangankon batu ni hayu na di bagasan kobun on sude?”

PAMUNGKAAN 3:13

Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

1 JUJUR TAON 21:1

Sai giot agoon ni Sibolis do halak Israel; jadi dijajang Sibolis i ma si Daud anso mambaen sensus.

2 JUJUR TAON 18:21

Dialusi tondi i ma, ‘Kehe ma au jana hubaen ma margabus sude panurirang ni si Ahab i.’ Didok Tuhan ma, ‘Antong denggan, patulus ma i, jadi do tarelek ho ia.’ ”

MASMUR 109:6

Padiar ma halak na jurngit mangadili musungki jana diuhumi alona sandiri.

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 65:25

Rap manjampal ma sorigala dohot anak ni biri-biri, singa pe mangan durame songon lombu, jana ulok pe mangolu sian abu. Di sude dolokKu Na Badia i nada adong be na mangarugi i, sanga mambaen na jahat,” ninna Tuhan.

JEHESKIEL 28:16

Lalap do ho marboniaga, jana i ma da na maroban ho tu jogal ni roha dohot dosa. Jadi gabe Hupaorot ho sian dolokKu Na Badia i, jana diayak surusuruan panjagomi ho sian tonga-tonga ni simata na marlinang-linang i.

MATEUS 13:39

Alo ni na manyabur simareme-eme i, i ma Sibolis. Sabion i ma ajal ni hasiangan. Angka panyabi i, i ma angka surusuruan.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 4:1

Dung i ditogu Tondi i ma Jesus tu halongonan, anso diuji Sibolis Ia.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 4:5

Dung i dioban Sibolis i ma Jesus tu Kota Na Badia. Dibaen ma Ia tu bungkulan ni Bagas Ni Debata.

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

LUKAS 10:18

Dialusi Jesus ma, “Huida do madabu Sibolis sian langit songon hilap.

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

LUKAS 22:3

Dung i disonggopi Sibolis ma si Judas na nigoaran muse si Iskariot, i ma sahalak sian sidua bolas halak sisean ni Jesus.

LUKAS 22:31

“Simon, Simon, tangihon jolo! Madung diisinkon Sibolis i laho manguji hamu sude, songon partani na mamiari dahanon sian guapak.

LUKAS 8:12

Same na madabu tu dalan i, manggambarkon angka halak na manangihon hata i. Tapi ro ma Sibolis mangarampas hata i sian roha ni halahi anso ulang porsaya jana nipalua halahi.

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 16:11

madung manguhumi Debata, dibaen madung hona uhum parkuaso ni portibi on!

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

2 KORINTUS 11:14

Inda pola homang roha mida pambaenan na songon i, angke haru Sibolis i pe dipasuman-suman halahi do surusuruan ni hatorangan i!

2 KORINTUS 11:3

Tapi songon na ganggu do rohangku, betak na hona goda do hamu jana nada setia be hamu tu Kristus, sarupa dohot si Hawa narobi na hona goda dibaen habisuhon ni ulok i.

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.

2 KORINTUS 2:11

Hubaen pe songon i, anso ulang adong do dalan di Sibolis i laho mangarajai hita, angke taboto do angka sangkap ni Sibolis.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

2 TESSALONIKA 2:3

Sanga na bia pe i, ulang jabat tartipu hamu dibaen halak. Angke painte so dapot Ari i, angkon jolo masa do na songon on: Bahat ma halak marbalik sian Kristus, jana tangkas ma tarida Jolma Na Jahat na dung ditontuhon hian tu api narako.

1 TIMOTEUS 2:14

Jana nada si Adam na dipaoto-oto, tapi dadaboru i do, gabe mangalaosi parenta ni Debata.

2 TIMOTEUS 3:13

hape anggo angka parjahat dohot angka panipu i mur jumahat dope. Ditipu halahi ma halak na asing, hape hona tipu muse do halahi.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

JUDAS 1:9

Tapi si Mikael sandiri kapala ni angka surusuruan i nada jungada dibaen ia songon i. Di na marsalisi ia sanoli dohot Sibolis i hara ni bangke ni si Musa, nada puluk si Mikael mandok hata pincang-pincang laho manguhumi Sibolis i. Hum on sajo do didok si Mikael, “Sai dipincang Debata ma ho!” ning ia.

HALUMBAAN 12:12

Hara ni i, angkon marjop ni roha godang ma banua ginjang dohot sudena na maringanan disi! Tapi marjaya ma anggo tano dohot laut, dibaen madung mijur tu ho Sibolis di hagigilap ni rimasna, harana madung diboto ia santongkin nari noma hatihania.”

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 12:7

Dung i masa ma parporangan di banua ginjang. Marporang ma si Mikael rap dohot angka surusuruannia mangalo naga i. Jana naga i pe antong mangalo ma rap dohot angka surusuruannia.

HALUMBAAN 12:8

Tapi ditaluhon do naga i. Nada dipatola be ia dohot angka surusuruannia i maringanan di banua ginjang.

HALUMBAAN 13:14

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu.

HALUMBAAN 16:14

Angka i ma tondi ni setan na mambaen angka tanda hahomangan. Kehe ma tondi na tolu i mandapotkon angka raja na satano on jana dipalagut ma halahi sudena laho marporang di ari na godang ni Debata Parkuaso Na Sumurung i.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.

HALUMBAAN 18:23

Dung i nada be manyondangi sinondang ni palito di bagasan ho, nada tarbege be sora ni bayo pangoli, bagi sora ni boru na nioli di bagasan ho, dibaen angka halak na godang do na jolo angka parjagalmi, jana markite-hite hadatuonmu madung lilu sude bangso.”

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

HALUMBAAN 2:24

Tapi anggo tu hamu na asing i na di Tiatira angka na so mangihutkon pangajaran na jahat i jana na so mamparsiajari angka parbinotoan ni Sibolis i, Hudokkon ma tu hamu, nada pola tambaanKu be boban na padokdokkon hamu.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.

HALUMBAAN 20:8

jana kehe ma i giot paoto-otohon angka bangso na marserak di sude portibi on, i ma si Gog dohot si Magog. Nada taretong sanga na sadia bahat ni halahi na giot palaguton ni Sibolis i laho marporang.

HALUMBAAN 3:9

Ligi ma! Huboan ma tu hamu angka halak sian punguan ni Sibolis, angka na manggoari dirina halak Jahudi, hape nada tutu nian, pargabus do halahi. Baenonku ma halahi marsinggang di jolo ni patmu, jana botoon ni halahi ma na holong do rohangKu mida hamu.

HALUMBAAN 9:1

Dung i diombus surusuruan na palimahon i ma sarunenia, jana huida ma sada bintang madabu sian langit tu portibi on. Dilehen do di bintang i kunci ni rura hamatean.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.