HALUMBAAN 12:5 - BIBEL JAMITA NA DENGGAN

⁵ Dung i di sorangkon ia ma sada Dakdanak halaklahi, i ma na giot mamarenta angka bangso sudena dohot tungkot bosi. Tapi dirampas ma Dakdanak i sian anak boru i, dioban ma tu Debata dohot tu jolo ni habangsaNa.

HALUMBAAN 12:5 ပူးပေါင်းရင်းမြစ်များ

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 12:2

Hatiha denggan ma topet pamatang ni anak boru i, jadi hara ni na dung giot dapot hatihana laho sorang anaknia gabe mangangguhi ma ia hara ni hancitna.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

HALUMBAAN 11:12

Dung i dibege panurirang sidua halak i ma sora na gogo mamio halahi sian banua ginjang, “Beta ma, manaek ma tuson!” ninna. Laing di jolo ni mata ni angka musu ni halahi i, manaek ma halahi tu banua ginjang, dibalut ombun i.

MATEUS 1:25

Tapi salolot di pamatang ni si Maria Dakdanak i, inda unjung rap modom si Josep dohot si Maria. Jadi dung sorang Dakdanak i, dibaen si Josep ma goarna Jesus.

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

2 KORINTUS 12:2

Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JESAYA 66:7

Songon ina na ompot manubuhon dakdanak do anggo kotangKu na badia i, na so jabat mangae na hancit.

2 KORINTUS 12:4

Huboto do basa dipatuginjang ia lopus tu Pirdaus, jana dibege ia ma hata na so tarpajojor, na so tola hatahonon ni jolma.

HALUMBAAN 12:13

Di na tarboto tu naga i na dung dibuang ia tu tano on, diompot ia ma mangkojar dadaboru na baru manubuhon Dakdanak i.