HALUMBAAN 12:3 - BIBEL JAMITA NA DENGGAN

³ Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 12:3 ပူးပေါင်းရင်းမြစ်များ

JESAYA 27:1

Pakeon ni Tuhan ma podangNia na togu jana na tajom i laho manguhumi Lewiatan, ulok na margeldok-geldok jana na mangarpe i dohot mamunu naga laut i.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 9:15

Uluna, i ma bagian hatobangon dohot halak na marsangap; ihurna, i ma angka panurirang na mangalehen angka pangajaran na mangaliluhon!

DANIEL 2:41

Pat dohot jari-jari ni patna i na sian tano liat deba jana deba nari sian bosi i, patuduhon bahaso na giot marbagi-bagi do harajaan i di pudian ni ari. Adong muse do gogo ni harajaan i, angke marcampur bosi do tano liat i.

DANIEL 2:42

Jari-jari ni patna na deba nari bosi jana na deba nari sian tano liat i astuanna, adong do deba sian harajaan i na gogo jana adong muse na gale.

DANIEL 7:20

Giot botoonku muse do taringot tu tandukna na sampulu i dohot tandukna na menek na umpudi tubu i na lalu mangumpat tolu sian tanduk na parjolo i. Marmata do tanduk i jana marpamangan na jungkat pangkulingna. Jorbutan dope tanduk na menek i sian angka tanduk na asing i.

DANIEL 7:24

Tandukna na sampulu i, i ma sampulu raja na giot mamarenta di harajaan i. Dung i ruar ma sada raja na asing; asing situtu do i sian angka raja na asing na parjolo i, jana taluhononnia tolu raja.

HALUMBAAN 12:1

Jadi tarida ma di langit hahomangan godang jana na luar biasa. Adong ma sahalak dadaboru na mamake mataniari songon pakeanna, dohot bulan di toru ni patnia. Adong ma di ulunia i sada tuku na nibaen sian dua bolas bintang.

HALUMBAAN 12:13

Di na tarboto tu naga i na dung dibuang ia tu tano on, diompot ia ma mangkojar dadaboru na baru manubuhon Dakdanak i.

HALUMBAAN 12:17

Mur gilap ma naga i tu dadaboru i, gabe kehe ma ia mangaroro na asing pinompar ni dadaboru i, i ma sasude halak na marmomosi tona ni Debata dohot angka na maniop hasaksian ni Jesus Kristus.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 12:7

Dung i masa ma parporangan di banua ginjang. Marporang ma si Mikael rap dohot angka surusuruannia mangalo naga i. Jana naga i pe antong mangalo ma rap dohot angka surusuruannia.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 13:1

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

HALUMBAAN 13:2

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.

HALUMBAAN 13:4

Jana disomba halahi ma naga i hara ni na dung nilehennia i kuasonia tu binatang i. Laing dohot muse do binatang i disomba halahi. Didok halahi ma, “Ise dehe na sarupa songon binatang i? Ise dehe na tarbaen mamorangi ia?”

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 16:13

Dung i huida ma haruar sian pamangan ni naga i dohot sian binatang i dohot sian pamangan ni panurirang pargabus i tolu tondi na roncam na marrupahon tohuk.

HALUMBAAN 17:12

Tanduk na sampulu na niidami, i ma sampulu raja na so mamungka dope mamarenta. Tapi lehenon do kuaso tu halahi anso mamarenta halahi songon raja rap dohot binatang i sajom lolotna.

HALUMBAAN 17:16

Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

HALUMBAAN 17:7

Jadi didok surusuruan i ma tu au, “Biasi homang-komang ho? Hupaboa pe tu ho rahasia ni anak boru i dohot rahasia ni binatang na nitenggetnia i, i ma binatang na marulu pitu jana na martanduk sampulu i.

HALUMBAAN 19:12

Songon jilam ni api do mataNa jana bahat do tuku dipake Ia di uluNia i. Adong do sada goar na niuhir di diriNia; jana hum Ia sajo do na umboto astuan ni goar i.

HALUMBAAN 20:2

Dung i ditangkup ia ma naga, ulok na tobang i – i ma Sibolis dohot Setan i – jana dirante ia ma i saribu taon honokna.