HALUMBAAN 12:2 - BIBEL JAMITA NA DENGGAN

² Hatiha denggan ma topet pamatang ni anak boru i, jadi hara ni na dung giot dapot hatihana laho sorang anaknia gabe mangangguhi ma ia hara ni hancitna.

HALUMBAAN 12:2 ပူးပေါင်းရင်းမြစ်များ

JESAYA 26:17

Songon dadaboru na giot tubu-tubuan marngeati jana marsurak dibaen hancitan, songon i hian ma hami di adopanMu, ale Tuhan.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 54:1

Marsurak-surak ma, o ale na so maruntungan, na so jungada manyorangkon! Marjop ni roha jana marsurak ma ho marmoga-moga, ale ho na so jungada manaon parhancitan i. Harana umbahat do dakdanak ni na so marhalaklahi sian na marhalaklahi, ninna Tuhan.

JESAYA 66:6

Tangihon ma! Adong sora na gumadobur di kota, adong sora sian BagasKu. I ma da sorangKi na topet manguhumi musu i!

MIKA 4:9

Biasi mangangguhi ho tangis? Biasi marnyae ho songon ina na giot hipas? Adong he hara ni na so adong rajamunu jana marmatean angka panuturimu?

MIKA 5:3

Markarejo ma ia jana marmahani halahi markite-hite hagogoon ni Tuhan i dohot markite-hite hamuliaan ni goar ni Tuhan Debatania sandiri. Mangolu di bagasan sonang ma bangsona i, dibaen okuon ni jolma na satano on do hagodangannia,

MATEUS 24:8

Pamungkaan dope sudena i, songon pangkilalaan na hancit na nihilala ni ina na giot manubuhon anakna.

JOHANNES 16:21

Muda giot sorang anak ni sada ina, marsak ma rohania hara ni na dung dapot hatihana manaon na hancit ia. Tapi disi sorang dakdanak i, manigor lupa ma ina i di na hancit i; marjop ni roha ma ia angke madung sorang sada dakdanak tu tano on.

GALATIA 4:19

Angka dakdanakku na huhaholongi! Saonnari mangulahi do au markancit hara ni hamu. Songon sada ina na manaon na hancit di na laho manubuhon dakdanakna do huhilala saonnari. Angkon laing i do hilalaonku salolot so marrupa dope angka bako ni Kristus di bagasan dirimunu.

GALATIA 4:27

Angke tarsurat do di Buku Na Badia i, “Marjop ni roha ma ho ale ina na so maruntungan na so jungada manubuhon dakdanak! Marmoga-moga ma ho jana marsurak-surak, ale ho na so jungada mangae manubuhon anak! Harana dadaboru na nitadingkon ni halaklahina umbahat dope dapotsa dakdanak ulang pado dadaboru na rap dohot halaklahina.”

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.