HALUMBAAN 11:9 - BIBEL JAMITA NA DENGGAN

⁹ Paligi-ligion ni halak ma sude, sian ganop marga, ganop bangso, ganop bahasa dohot negara bangke ni halahi tolu satonga ari honokna jana nada dipatola tanomon angka bangke i.

HALUMBAAN 11:9 ပူးပေါင်းရင်းမြစ်များ

1 RAJA-RAJA 13:22

Balikna do dibaen ho, mangulahi ho tu pudi jana mangan di na Huparentahon tu ho na so tola mangan. Hara ni i angkon hona bunu noma ho, jana bangkemi nada tola kuburon ni sisolkotmu.”

PARJAMITA 6:3

Haru pe adong sada halak saratus anakna jana lolot ia mangolu jabat matobang situtu ia, tapi muda nada martua pangkilalaannia jana nada dikuburkon ia di pangalaho na sapatutna, jadi anggo mangihutkon pandapotku, dumengganan dope jambar ni dakdanak na sorang na torus mate umpado bayo i.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JEREMIA 7:33

Angka bangke i ma panganon ni unggas dohot binatang panyoro jana nada adong manyosaksa.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

HALUMBAAN 10:11

Dung i ning ia ma tu au, “Angkon mangulahi do ho manyurirangi tu bahat marga, dohot bangso, dohot bahasa dohot angka raja.”

HALUMBAAN 11:11

Dung tolu satonga ari, ro ma hosa hangoluan sian Debata jana masuk tu bagasan panurirang sidua halak i. Halahi pe jongjong ma, jadi gabe mabiar ma sudena halak na marnida halahi.

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.