Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HALUMBAAN 11:8 - BIBEL JAMITA NA DENGGAN

8 Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.

အခန်းကိုကြည့်ပါ။ ကော်ပီ




HALUMBAAN 11:8
40 ပူးပေါင်းရင်းမြစ်များ  

Na jahat do halak Sodom jana mardosa maradopkon Tuhan.


Tompu ma dipaijur Tuhan udan barerang na marapi tu Sodom dohot Gomora


“Au do Tuhan Debatamu, na maroban ho ruar sian tano Mesir, sian tano parhatobanan i.


Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.


Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.


Tapi madung Huida jumahat dope pangalaho ni angka panurirang di Jerusalem. Margabusi do halahi dohot marmainan jana diurupi halahi do halak na jahat, gabe umpe adong sahalak pe na ra pauba rohana. Anggo di Au mandosdos do halahi sudena rap parjahat songon halak Sodom dohot Gomora.”


Dung i dioban halahi ma ia mulak mangulahi tu Raja Joyakim. Dung i disuru raja i ma anso dibunu ia, jana diambungkon bangkena i tu kuburan ni halak na bahat.


Samaria na di Utara ma angkangmu dohot sude pagaranna. Jana anggimu ma Sodom na di Selatan dohot sude huta pagaranna.


Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.


Mur honok mur jotjot ma ia marhamainan, nada adong be asingna sian dompak di haposoonnia taran marhamainan ia di Mesir.


Songon i noma baenonKu laho mangantak panggintal ni hagiotmu dohot sude parhamainonmu na nibaenmu mamungka taran di Mesir dope ho. Nada be marpos ni roha ho tu gana-ganaan sanga taringot rohamu tu Mesir.”


Taran poso halahi, maringanan di Mesir do. Disi ma mago habunjingon ni halahi, lalu gabe siboru jalang ma halahi.


Laing torus ma ia marhamainan songon na nibaennia taran di Mesir, di na mago disi habujingonnia. Mamungka sian hamenehannia, na dung dipodomi jana dibaen do ia songon panggampang.


Didok Debata ma tu au, “Ale anak ni jolma, bangso Israel do na nigambarkon ni angka holi-holi on. Humolos do halahi hara ni na mahiang halahi, nada adong be arop ni roha jana nada adong be ari pangapudianna.


“Madung Husegoi angka hutamunu, songon Sodom dohot Gomora na disegoi ni Debata. Na tinggal mangolu sian hamu i ma na tudos tu surpu na niela sian api. Haru songon i pe, laing nada mulak hamu tu Au.


Satutuna ma na hudok on! “Numayang do taonon ni isi ni tano Sodom dohot Gomora di ari panguhuman i, ulang kota na songon i!”


Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”


Hara ni i ma umbaen na di ruar ni horbangan ni kota Jesus mate laho paiaskon bangsoNa sian dosa markite-hite mudarNia i sandiri.


Hape marbalik do roha ni halahi! Bia dope baenon manogu halahi mangulahi anso muba sian angka dosa ni halahi i. Angke na mamparsilangkon Anak Ni Debata i do halahi mangulahi jana mambaen halak na bahat anso dohot mangalayasi Ia.


Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.


Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.


Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.


Paligi-ligion ni halak ma sude, sian ganop marga, ganop bangso, ganop bahasa dohot negara bangke ni halahi tolu satonga ari honokna jana nada dipatola tanomon angka bangke i.


Di balian ni kota do digiling angka anggur i jana mardalan ma mudar na doras sian panggilingan i tolu ratus kilometer daona jana dua meter bagasna.


Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”


Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.


Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.


Dadaboru na niidami, i ma kota na godang i, na mamarenta angka raja di portibi on.”


Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”


Jana jongjong ma halahi sian na dao hara ni biar ni roha di parkancitan i, jana didok halahi ma, “Marjaya; marjaya ma kota na godang i – kota Babel na gogo! Di bagasan sajom do ro panguhumanmu!”


jana marsurak dung diida halahi timus na marbual-bual sian api na manyurbu kota i. Didok halahi, “Nada adong jungada kota na asing songon kota na godang on!”


Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.


Dung salpu i, ro ma sada surusuruan na gogo, diangkat ia ma sada batu – sagodang ni batu panggilingan – diambungkon ia ma i tu laut jana didok ia ma, “Songon on ma gogona baenon mangambungkon kota Babel na tarbonggal i lopus nada dapot be mangulahi.


Jana di bagasanna adong do mudar ni angka panurirang dohot angka halak na badia dohot mudar ni sude halak na nibunu di tano on.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ