HALUMBAAN 11:7 - BIBEL JAMITA NA DENGGAN

⁷ Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.

HALUMBAAN 11:7 ပူးပေါင်းရင်းမြစ်များ

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

LUKAS 13:32

Dialusi Jesus ma, “Kehe ma ho paboahon tu sorigala i, ‘Sadari on lopus tu ancogot mangusir setan do Au dohot pamalum angka na marnyae, tapi pasidungonKu ma i di ari patoluhon.’

LUKAS 8:31

Gomos ma dipangido angka tondi na jahat i, anso ulang dipaisir Jesus halahi tu banua toru.

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 19:30

Diincop Jesus ma anggur i, dung i ning Ia ma, “Madung marujung!” Jadi dipaunduk Ia ma uluNia, tos ma hosaNia.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

HALUMBAAN 12:17

Mur gilap ma naga i tu dadaboru i, gabe kehe ma ia mangaroro na asing pinompar ni dadaboru i, i ma sasude halak na marmomosi tona ni Debata dohot angka na maniop hasaksian ni Jesus Kristus.

HALUMBAAN 13:11

Dung i huida ma sada binatang ro sian darat. Dua tandukna songon tanduk ni Anak Ni Biri-biri. Sorana songon sora ni naga.

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.