HALUMBAAN 11:5 - BIBEL JAMITA NA DENGGAN

⁵ Muda adong halak na mancubo-cubo mambaen na jahat tu halahi, gabe ruar ma api sian pamangan ni halahi laho mangaluntak angka musu ni halahi i. Jadi songon i ma dalanna gabe tarbunu sude sanga ise na giot mambaen susa tu halahi.

HALUMBAAN 11:5 ပူးပေါင်းရင်းမြစ်များ

MASMUR 18:8

Haruar timus sian lubang ni igungNa, api dohot banggar haruar sian pamanganNa.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

HOSEA 6:5

Hara ni i do umbaen na Husuru angka panurirangKu laho palaluhon tu hamu haputusanKu na mandok angkon uhumon jana abiskonon noma hamu. Torang jana tangkas do na nipangido ni rohangKu sian hamu:

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

HALUMBAAN 13:13

Dibaen ia ma angka tanda hahomangan na godang. Dibaen ia ma mijur api sian langit tu tano di jolo ni sudena jolma.

HALUMBAAN 9:17

Jana di boa-boa na nilehenna i tu au, huida do angka kudo i dohot angka halak na manenggetsa. Mamake baju bosi na rara sun, na rata langit dohot na gorsing songon barerang do angka na manengget kudo i. Songon ulu ni singa do ulu ni angka kudo i jana ruar do api, timus dohot barerang sian pamanganna i.