HALUMBAAN 11:4 - BIBEL JAMITA NA DENGGAN

⁴ Anggo saksi na dua i, i ma duakambona hayu zetun dohot dua parlampuan na adong di jolo ni Tuhan ni sude na nitompa on.

HALUMBAAN 11:4 ပူးပေါင်းရင်းမြစ်များ

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

MASMUR 52:8

Hape anggo au tarsongon bona ni zetun na rata do di bagasan Bagas Ni Debata. Huhaporsayai do holong ni rohaNia na manongtong i ro di salolot-lolotna.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

JEREMIA 11:16

Jungada do Hugoari halahi bona ni zetun na rumbun, gok parbatuna na jeges. Hape anggo saonnari marhite sora na mangaronggur giot tipulkononKu ma sude rantingna i jana Hututungi angka bulungna i.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

LUKAS 11:33

“Nada adong halak na manutung lampu, jana ditabunihon ia lampu i sanga ditutupi dohot ampang. Tontu tu inganan parlampuan do i dibaen anso torang idaon ni halak, muda masuk halahi.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”