HALUMBAAN 11:3 - BIBEL JAMITA NA DENGGAN

³ SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

HALUMBAAN 11:3 ပူးပေါင်းရင်းမြစ်များ

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

2 SAMUEL 3:31

Dung i diparentahon si Daud ma tu si Joab dohot parangan i anso disibakkon halahi pakeanna be jana mamake abit siluluton mangandungi si Abner. Jana di na manguburkon i, mardalan di pudi ni poti ni na mate i ma anggo si Daud sandiri.

1 RAJA-RAJA 21:27

Dung sidung si Elia na mandok hata i, disibakkon si Ahab ma pakeannia lalu digonti ia ma dohot abit goni tanda ni na manyosal ia. Puaso ma ia jana modom pe laing marbaju goni ma ia jana muda mardalan, murhing ma torus bohinia.

2 RAJA-RAJA 19:1

Di na nibege ni Raja Hiskia lapuran sian sitolu halak i, disibakkon ia ma pakeannia jana marabit goni ma ia tanda ni marsakna lalu kehe ma ia tu Bagas Ni Debata.

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

NEHEMIA 9:1

Tanggal dua pulu opat laing di bagasan bulan i, marlagut ma halak Israel. Puaso ma halahi laho patuduhon manyosal halahi di angka dosa ni halahi. Madung asing halahi sian sude halak na asing. Songon tanda ni na marsak, mamake abit goni do halahi jana dipambaeni halahi ma tano tu ulu ni halahi. Dung salpu i jongjong ma halahi mangoku sude dosa ni halahi dohot dosa ni angka ompu ni halahi.

JOB 16:15

Mamake abit goni ma au tanda ni hamarsahan, jana juguk di abuan hara ni hataluan.

MASMUR 69:11

Mamake abit goni do au tanda ni hamarsakan, hape dalan do i di halahi gabe sindiran.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

ANDUNG 2:10

Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

JEHESKIEL 4:6

Dung salpu i, manjorbing tu siamun ma ho jana hilala ma uhuman hara ni hasalaan ni Juda, opat pulu ari honokna sadari, i ma gambaran ni sataon uhuman tu halahi.

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 8:14

Dung i ning ia ma tu au: “1.150 ari nari. Sai ma lolotna nada dihaulkon haul potang ari dohot haul manyogot. Dung salpu pe i anso mulak sumuang bagas paribadatan i.”

JOEL 1:13

Hamu ale angka malim na markobasi di langgatan, pake hamu ma abit goni anso martangisan. Masuk ma tu Bagas Ni Tuhan marbornginma laho mangandung disi, angke nada adong be haul anggur dohot gandum.

JUNUS 3:5

Halak Ninive porsaya tu Debata, dung i diumumkon ma puaso jana angka halak na magodang sangape dakdanak mamate abit paboa marsak ni roha.

JUNUS 3:8

Jolma dohot pahan-pahanan angkon mamake abit goni. Songon tanda ni panyolsolion angkon martangiang sude jolma sian situtu ni rohana tu Debata. Angkon padengganonna be pangalahona na jahat i dohot parangena na gok dosa i.

BILANGAN 11:26

Dua sian pamimpin na pitu pulu halak i si Eldad dohot si Medad, di parbandaran i do halahi tinggal, nada kehe halahi rap dohot na asing i tu Bandar Parmianan Ni Tuhan. Di parbandaran i ma mijur Tondi i tu halahi, halahi na dua pe mamungka ma sai pio-pio songon panurirang.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 18:16

Tapi muda inda ditangihon ia, oban ma sahalak sanga dua halak nari, anso gomos angka hata ni dua sanga tolu halak saksi i.

LUKAS 10:13

“Marjaya do ho Khorasim! Marjaya do ho ale Betsaida! Sugari di kota Tirus dohot Sidon dipamasa angka hahomangan na di pamasa di tonga-tongamunu pasti madung tibu halahi pauba rohana jana marsak angka jolma na disi di hatiha i.

LUKAS 24:48

Jadi hamu ma na gabe saksi ni sudena i.

JOHANNES 15:27

Tapi hamu pe angkon saksihononmunu do taringot tu Au, harana madung rap hamu dohot Au sian mulana.”

JOHANNES 3:27

Dialusi si Johannes ma, “Nada tarbaen jolma mangkarejohon bagi na aha pe, anggo so dilehen Debata i disia.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 13:31

Jadi dipataridahon Ia do diriNia sanga na piga-piga ari tu angka donganNia na ro sian Galilea tu Jerusalem. Halahi ma na gabe saksiNia tu halak Israel.

BAENON NI ANGKA RASUL 2:32

Jesus on ma da na nipangolu ni Debata mangulahi sian hamatean. Sude do hami manyaksihon i.

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

1 KORINTUS 12:28

Laing songon i do di bagasan parlagutan i, madung ditontuhon Debata do inganan ni angka dongan i: Parjolo angka rasul; paduahon angka panurirang; patoluhon angka guru, dung i baru ma angka na mambaen tanda hahomangan, dung i angka na manjagit kuaso laho pamalum halak, sanga laho mangurupi halak na asing, sanga mamimpin, sanga mangkobari di bagasan hata na marragam rupa na so niastuan.

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

PANGARATAION 17:6

Tapi angkon adong do dua saksi sanga lobi anso tola ia bunuon; anggo hum sada halak sajo do saksina, nada tola dope ia bunuon.

PANGARATAION 19:15

“Nada tuk sada halak sajo saksi laho patorangkon sada halak na hona tuhas marsala, na ummotikna dua saksi porlu di pangalaho i.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.

HALUMBAAN 11:6

Markuaso do halahi manutup langit anso ulang ro udan salolot manyurirangi halahi. Laing markuaso do halahi di angka mual ni aek laho mambaen aekna i gabe mudar. Jana laing markuaso muse do halahi mangalibas tano on markite-hite angka ragam ni bala, sanga na andigan giot ni halahi.

HALUMBAAN 12:6

Gabe marlojong ma dadaboru i tu parhorsihan, i ma inganan na nipasingkop ni Debata disia. Di inganan i noma ia dipauli 1260 ari honokna.

HALUMBAAN 13:5

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.