HALUMBAAN 11:12 - BIBEL JAMITA NA DENGGAN

¹² Dung i dibege panurirang sidua halak i ma sora na gogo mamio halahi sian banua ginjang, “Beta ma, manaek ma tuson!” ninna. Laing di jolo ni mata ni angka musu ni halahi i, manaek ma halahi tu banua ginjang, dibalut ombun i.

HALUMBAAN 11:12 ပူးပေါင်းရင်းမြစ်များ

2 RAJA-RAJA 2:1

Dapot ma hatihana di Tuhan laho mangangkat si Elia tu banua ginjang markite-hite halingsungsung. Hatiha i madung kehe si Elia dohot si Elisa sian Gilgal;

2 RAJA-RAJA 2:11

Laing mangkobar-kobari do halahi di na mardalan i. Jadi ompot ma ro sada kareta na marapi na nitarik ni kudo na marapi mayirang halahi na dua, jadi diangkat halingsungsung ma si Elia tu banua ginjang.

2 RAJA-RAJA 2:5

Ro ma sarombongan panurirang na maringanan disi mandapotkon si Elisa, disapai halahi ma, “Diboto ho dehe na giot buaton ni Tuhan di ari on tuanmi jana tinggalkononna noma ho?” “Olo, huboto do i,” ning si Elisa mangalusi. “Tapi madung i, indangkon be sai tahata-hatai taringot tusi.”

2 RAJA-RAJA 2:7

tu Batang aek Jordan jana mangihut ma tu halahi panurirang lima pulu halak nari. Jadi maradian ma halahi di topi ni batang aek i, jana panurirang silima pulu halak i marjongjongan ma nada sadia dao sian halahi.

MASMUR 112:10

Diida halak na jahat ma i jana milas rohana, patungaripon halahi hara ni sogo ni rohana. Gabe mago ma halahi nada adong be arop ni roha sapanjangna di halahi.

MASMUR 15:1

Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

MASMUR 24:3

Ise do na patut manangkok tu Dolok Ni Tuhan, ise do na patut jongjong di ingananNia na badia i?

MASMUR 86:17

Patangkas ma hadenggananMu tu au, anso maila sanga ise na magigi mida au, muda diida halahi bahaso, Ho ale Tuhan, madung mangurupi dohot mangapoi au.

HARURUAR 14:25

Marsangkotan ma dibaen Ia angka roda ni kareta i, jadi gabe maol ma mardalan. Ninna halak Mesir i ma, “Tuhan do marporang di halak Israel mangalo hita. Beta ma hita morot sian on!”

JESAYA 14:13

Anggo giot ni rohamu nian sai na giot tu langit, jana mambaen habangsamu di ginjang ni bintang pargincat! Diambang ho tarbaen ho ma juguk di ginjang ni dolok na di Utara, inganan parpunguan ni angka debata.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JESAYA 60:8

Ise dehe i na ro habang songon ombun songon darapati na mulak habang?

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

LUKAS 16:23

Mardangol situtu ma ia di inganan ni angka na mate i. Jadi di na manatap ia tu ginjang, diida ia ma si Abraham di sihadaoan, jana di lambung ni si Abraham ma si Lasarus.

BAENON NI ANGKA RASUL 1:9

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

HALUMBAAN 12:5

Dung i di sorangkon ia ma sada Dakdanak halaklahi, i ma na giot mamarenta angka bangso sudena dohot tungkot bosi. Tapi dirampas ma Dakdanak i sian anak boru i, dioban ma tu Debata dohot tu jolo ni habangsaNa.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”