HALUMBAAN 10:9 - BIBEL JAMITA NA DENGGAN

⁹ Jadi kehe ma au mandapotkon surusuruan i jana hupangido ma anso dilehen ia balunan ni buku na menek i tu au. Didok ia ma tu au, “Jomput jana pangan ma on. Gabe paet ma i di bagasan butuhamu, tapi anggo di pamanganmu tonggi do songon aer ni loba.”

HALUMBAAN 10:9 ပူးပေါင်းရင်းမြစ်များ

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

JEREMIA 15:16

Muda marsuo au dohot angka hataMu, gabe hutangihon ma i gabe hasonangan do di au hataMi, jana gabe jop ni rohangku. Angke madung dibaritahon tu au goarMi, ale Tuhan Na Markuaso.

JEHESKIEL 2:8

“Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

KOLOSSE 3:6

Angka pangalaho na songon i ma na pasunggul-sunggul rimas ni Debata maradopkon angka halak na so mangoloi Ia.

HALUMBAAN 10:10

Hubuat ma balunan na menek i sian tangannia jana hupangan. Songon tonggi ni aer ni loba ma antong daina anggo di pamanganniba, hape dung hubondut, gabe paet ma dung di butuhangku.