HALUMBAAN 10:3 - BIBEL JAMITA NA DENGGAN

³ Jadi marsurak ma ia sagogona songon singa na marngaur. Dung marsurak ia, mangkuling ma pitu ronggur na manghutur.

HALUMBAAN 10:3 ပူးပေါင်းရင်းမြစ်များ

MASMUR 29:3

Mangaronggur di ginjang ni laut na bidang Debata Na Marmulia marsaringar di ginjang ni aek soraNia.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

JESAYA 31:4

Didok Tuhan do tu au, “Songon singa na mampartahankon soroanna jana na so tarpabiar-biar surak-surak dohot pangarar ni parmahan, laing songon i ma Au mampartahankon Dolok Sion, jana nada adong na tarbaen mangambati Au.

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

JESAYA 5:29

Angka parajuritna i songon singa na baru manangkup soroanna parngaurna, jana muda dilojongkonsa nada adong na bisa paluahonsa sian halahi.

JEREMIA 25:30

“Sude na Hupardokkoni i tu ho ale Jeremia, angkon palaluonmu do i. Dokkon tu halahi: ‘Mangaronggur do sora ni Tuhan sian banua ginjang; matuoror do Ia tu bangsoNia na mangalo i. Dibege halak na satano on do Ia manyonggak songon parkarejo na mamoro anggur di pangilangan.

JEHESKIEL 10:5

Tarbege ma pamakpak ni habong ni angka kerub i lopus tu alaman parduru i songon sora ni Debata Na Markuaso i.

HOSEA 11:10

Didok Tuhan ma, “Ihutkonon ni bangsongKu ma Au muda marngaur Au songon singa jana mambaen mabiar musu ni halahi. Manigor tibu do bangsongKi ro mandapotkon Au sian Hasundutan.

JOEL 3:16

Mangorong ma Debata sian Sion, dipatubegehon Ia ma soraNia sian Jerusalem. Humutur langit, dohot tano pe mangihut. Tapi laing tong do Tuhan mambela bangsoNa.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

AMOS 3:8

Muda marngaur singa, ise ma he mabiar? Muda mandok hata Tuhan Debata, ise ma he tarbaen so jana nada paboahon tonaNia?

HALUMBAAN 14:2

Jadi hubege ma sada sora na mardorom sian langit songon sora ni sampuran na godang dohot songon sora ni ronggur na godang na matuoror. Habegean ma sora i songon sora ni musik sian angka parhasapi na topet mamiltik hasapina.

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 15:7

Dung i ro ma sada sian mahluk na opat i mangalehen tu surusuruan na pitu i, pitu sambong sere na bubung marisi haririmas ni Debata, – Debata na mangolu i salolot-lolotna.

HALUMBAAN 4:5

Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.