HALUMBAAN 10:11 - BIBEL JAMITA NA DENGGAN

¹¹ Dung i ning ia ma tu au, “Angkon mangulahi do ho manyurirangi tu bahat marga, dohot bangso, dohot bahasa dohot angka raja.”

HALUMBAAN 10:11 ပူးပေါင်းရင်းမြစ်များ

JEREMIA 25:13

Giot uhumanKu Babel marhite sudena parmaraan na dung Husangkaphon maradopkon angka bangso di na mangkobari Au dohot si Jeremia – i ma sandok sangkap na tarsurat di bagasan buku on.

JEHESKIEL 37:4

Dung i disuru ma au palalu tonaNia tu angka holi-holi na mahiang i,

JEHESKIEL 37:9

Didok Debata ma tu au, “Ale anak ni jolma, mangkuling ma ho tu alogo i. Dokkon ma na Huparentahon, Au Tuhan Debata mamarentahon tu alogo i anso marroan sian sude panjuru, laho mangombuskon hosa tu bagasan ni angka pamatang na mate i anso mulak mangolu halahi.”

HALUMBAAN 10:10

Hubuat ma balunan na menek i sian tangannia jana hupangan. Songon tonggi ni aer ni loba ma antong daina anggo di pamanganniba, hape dung hubondut, gabe paet ma dung di butuhangku.

HALUMBAAN 11:1

Dung i dilehen ma di au sada bulu suhat-suhat tarsongon tungkot, jadi diparentahon ma, “Kehe ma ho mangukur Bagas Na Badia ni Debata dohot meja inganan parkaulan i. Etong ma sanga sadia bahat halak na maribadat di bagasan.

HALUMBAAN 11:9

Paligi-ligion ni halak ma sude, sian ganop marga, ganop bangso, ganop bahasa dohot negara bangke ni halahi tolu satonga ari honokna jana nada dipatola tanomon angka bangke i.

HALUMBAAN 14:6

Dung i huida ma sada surusuruan na asing habang gincat di langit. Dioban surusuruan i do barita taringot tu Jamita Na Denggan na manongtong i sipalaluon tu jolma na di tano on; i ma tu sude bangso, marga, bahasa dohot negara.

HALUMBAAN 17:10

Tardok muse pitu raja do i. Lima madung madabu, na sada madung adong, na sada nari nada adong dope; tapi muda dung ro ia, satongkin do i tola tinggal.

HALUMBAAN 17:12

Tanduk na sampulu na niidami, i ma sampulu raja na so mamungka dope mamarenta. Tapi lehenon do kuaso tu halahi anso mamarenta halahi songon raja rap dohot binatang i sajom lolotna.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.