HALUMBAAN 10:1 - BIBEL JAMITA NA DENGGAN

¹ Dung i huida ma sahalak surusuruan na asing mijur sian banua ginjang. Na gogo sun do surusuruan i. Dibalut ombun do ia jana halibutongan di ginjang ni ulunia. Songon mataniari do bohina i jana patna i songon tiang api.

HALUMBAAN 10:1 ပူးပေါင်းရင်းမြစ်များ

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

ENDE NA GODANG 5:15

Patna songon tiang marmar na bontar, marojahan sere. Potongan ni pamatangna songon Dolok Libanon, na tubuan hayu aras na gincat.

JESAYA 19:1

On ma tona salaho tu Mesir. Ro do Tuhan tu Mesir manengget ombun na hipas. Humitir ma angka gana-ganaan ni Mesir di joloNia jana menek ma roha ni halak Mesir marnidasa.

JESAYA 54:9

“Di hatiha ni si Nuh marjanji do Au, na so bonomon ni aek na oto be tano on. Saonnari marjanji Au na so muruk be sanga mangondam hamu bagi hum sanoli pe.

ANDUNG 3:44

Songon ombun na hapal do murukMu gabe nada tartombus angka tangiangnami i.

JEHESKIEL 1:28

jana marrupa-rupa songon halibutongan. I ma da hatiuran na marhillong na patuduhon haroro ni Tuhan.

DANIEL 10:6

Marsinondang do pamatangna songon simata, bohina i songon torang ni sondang ni hilap, jana matana i gara-gara songon api. Tanganna dohot patna marsilo songon tumbaga na digosok, jana sorana tudos tu sora ni halak na ribur nibege.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

LUKAS 21:27

Jadi disi ma ro Anak Ni Jolma i di bagasan ombun mardongan hamuliaan dohot kuaso na godang.

BAENON NI ANGKA RASUL 26:13

Jadi di tonga dalan i hira-hira kotu ma hatiha i, ale rajanami, huida ma sada sinondang sian langit, tumorang dope sian sinondang ni mataniari humaliang au dohot humaliang dongan-donganki na mardalan rap dohot au.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!

HALUMBAAN 18:1

Dung salpu i, huida ma sada surusuruan na asing mijur sian banua ginjang. Na godang do kuasonia jana gabe torang ma tano on sudena hara ni sahalania.

HALUMBAAN 18:21

Dung salpu i, ro ma sada surusuruan na gogo, diangkat ia ma sada batu – sagodang ni batu panggilingan – diambungkon ia ma i tu laut jana didok ia ma, “Songon on ma gogona baenon mangambungkon kota Babel na tarbonggal i lopus nada dapot be mangulahi.

HALUMBAAN 20:1

Dung i huida ma sahalak surusuruan mijur sian banua ginjang. Ditangannia tiop dibaen ia kunci ni rura hamatean dohot sada rante na godang.

HALUMBAAN 4:3

Marsinondang do bohi ni na juguk i, songon intan Jaspis dohot Sardes idaon. Adong muse do halibutongan humaliang habangsa i songon zamrud.

HALUMBAAN 5:2

Dung i huida ma sada surusuruan na gogo, marsurak-surak gogo sorana, ning ia ma, “Ise ma he na patut mambuka cap on laho mangungkap buku on?”

HALUMBAAN 8:13

Dung i hupamanat ma, gabe huida ma sada unggas rajawali na habang di ginjang an. Dung i mangkuling ma unggas i, “Marjaya! Marjaya! Marjaya ma sudena halak na di tano on muda tarbege surusuruan na tolu nari i mangombus sarunenia i sanoli on!”