Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HALUMBAAN 1:4 - BIBEL JAMITA NA DENGGAN

4 Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

အခန်းကိုကြည့်ပါ။ ကော်ပီ




HALUMBAAN 1:4
41 ပူးပေါင်းရင်းမြစ်များ  

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.


Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’


Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.


Ise do na mambaen dohot mangkarejohon i sudena? Au Tuhan, na parjolo, na sian parmulaan mamio bangkit angka pomparan, jana tu na giot ro Au tongtong rap dohot halahi.


Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.


Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.


Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.


Dialusi ia ma, “Halahi ma da na haruar tu opat jurusan ni alogo, dung sidung halahi mangadop tu Tuhan ni sude tano on.


Di mulana i, madung adong Hata i. Rap dohot Debata do Hata i jana Debata do Hata i.


Adong dua taon sai songon i dibaen ia, lopus sudena halak na maringanan di Asia umbege hata ni Tuhan, bope halak Jahudi bope halak Junani.


Angka halak Partia do hita, halak Media, halak Elam; halak Mesopotamia; halak Judea; halak Kapadokia; halak Pontus dohot Asia,


Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.


Asi ni roha dohot hasonangan na sian Debata Amanta dohot sian Tuhan Jesus Kristus ma na mandongani hamu.


Asi ni roha ma di hamu dohot hasonangan sian Debata Amanta dohot sian Tuhanta Jesus Kristus!


Tongtong do sarupa anggo Jesus Kristus, najolo, saonnari jana ro di salolot-lolotna.


Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.


On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.


Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”


Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.


On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”


“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.


Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.


Hubege ma surusuruan na mangarajai aek mandok, “Na tigor do Ho, na adong saonnari, jana na adong hian, jana na badia do Ho, na dung mandabuhon uhuman on.


“Tu surusuruan ni parlagutan na di Pergamus, suratkon ma songon on: On ma barita sian na maniop podang na tajom na marmata dua i.


“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.


“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.


“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”


Au si Johannes, madung hubege jana huida i sudena. Dung sidung hubege jana huida, tungkap ma au di jolo ni surusuruan na patidahon sasudena i tu au, giot marsomba ma nian au tusia,


“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!


“Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.


“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.


Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.


Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”


Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.


Dung i huida ma dilehen pitu sarune tu surusuruan na pitu na jongjong i di jolo ni Debata.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ