HALUMBAAN 1:18 - BIBEL JAMITA NA DENGGAN

¹⁸ Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 1:18 ပူးပေါင်းရင်းမြစ်များ

JOB 19:25

Huboto do anggo di banua ginjang, adong disi pangondianku; di ujungna ro Ia manolong au.

JOB 38:17

Unjung dehe dipatuduhon halak tu ho horbangan di jolo ni hagolapan ni bulita di portibi hamatean?

MASMUR 18:46

Tuhan na mangolu! Nipuji ma na mambela au! Pasangap ma hagogoon ni Debata, na palua au!

MASMUR 68:20

Debata na paluahon do anggo Debatanta Debata, Tuhanku mangalehen haluaan sian hamatean.

JESAYA 22:22

Gok disia ma sude kuaso di toru ni raja na sian pomparan ni si Daud. Tioponnia ma kunci ni harajaan i. Muda dibuka ia, nada adong be na tarbaen manutup, jana muda ditutup ia nada adong na tarbaen mambukasa.

MATEUS 11:23

Dohot ho, kota Kapernaum! Giot pagincaton ma ho lakna lalu tu banua ginjang? Nada! Tu narako do ho ambungkononkon! Sugari sura di kota Sodom dibaen angka tanda hahomangan na nibaen ditonga-tongami, laing adong dope kota i lopus sadari on!

MATEUS 16:19

LehenonKu ma di ho kunci ni Harajaan Ni Banua Ginjang. Sanga aha na nilarangmu di ginjang tano on laing larangon ma i lopus tu banua ginjang. Sanga aha na nidokmu tigor di ginjang tano on, laing na tigor ma i lalu tu banua ginjang.”

LUKAS 24:5

Sun ma biar ni halahi, gabe manungkap ma halahi tu tano. Jadi di na songon i, didok sidua halak i ma tu halahi, “Biasi dijalahi hamu na mangolu di inganan ni na mate?

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

SURAT NI SI PAULUS TU PARLAGUTAN ROM 6:9

Angke taboto do, madung dipangolu anggo Kristus sian hamatean jana nada mate be Ia mangulahi; nada markuaso be hamatean i tuSia.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

GALATIA 2:20

Anggo na mangolu saonnari on, nada au be i, tapi Kristus noma na mangolu di bagasan diringku. Anggo ngolu ni pamatangkon saonnari, na mangolu sian na mangkaporsayai Anak Ni Debata na manghaholongi au noma i, jana na mangalehen diriNa manghopkop au.

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

IBRANI 7:16

Na dipajongjong gabe Malim so pola marojahan tu angka aturan na nibaen ni jolma, tapi na marojahan tu ngolu na manongtong.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

HALUMBAAN 10:6

Marsumpa ma ia mangasahon goar ni Debata na mangolu i salolot-lolotna, na manompa langit, tano dohot laut bope sasudena na adong di langit, di tano dohot na di laut i. Didok surusuruan i ma, “Nada palambaton be hatihana!

HALUMBAAN 15:7

Dung i ro ma sada sian mahluk na opat i mangalehen tu surusuruan na pitu i, pitu sambong sere na bubung marisi haririmas ni Debata, – Debata na mangolu i salolot-lolotna.

HALUMBAAN 2:8

“Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 20:13

Dung i dilehen laut i ma angka halak na mate na adong di bagasanna, bope hamatean i, bope harajaan banua toru mangalehen angka halak na mate na adong di bagasanna, jana diuhumi ma halahi hombar tu pambaenanna be.

HALUMBAAN 20:14

Dung i didanggurkon ma hamatean dohot harajaan banua toru i tu bagasan laut api. (Laut api on ma hamatean na paduahon.)

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:14

Dung i mangalusi ma mahluk siopat-opat i, “Amen” ning halahi. Jana manungkap ma angka pangituai i laho marsomba.

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.

HALUMBAAN 9:1

Dung i diombus surusuruan na palimahon i ma sarunenia, jana huida ma sada bintang madabu sian langit tu portibi on. Dilehen do di bintang i kunci ni rura hamatean.

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.