HALUMBAAN 1:16 - BIBEL JAMITA NA DENGGAN

¹⁶ Ditiop tangan siamunna i ma pitu bintang jana ruar ma sada podang na tajom sidua baba sian pamanganNa i. BohiNa i torang songon sinondang ni mataniari di hatiha hamilasanna.

HALUMBAAN 1:16 ပူးပေါင်းရင်းမြစ်များ

JOB 38:7

di na rap marendei angka bintang andostorang dohot angka na nijadihon di banua ginjang marsurak marmoga sonang?

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

ENDE NA GODANG 6:10

Ise dehe na ro i songon parbincar ni mataniari, uli songon bulan tula dohot manyirlak songon las ni ari; jagar songon tentara na maroban angka mandera?

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JESAYA 24:23

Manggolap ma bulan i jana mataniari nada be marsinondang, angke mamarenta noma Tuhan Na Markuaso i songon sada raja. Mamarenta ma Ia di Jerusalem, di ginjang ni Dolok Sion, jana idaon ni angka pamimpin ni bangso ma hamuliaonNia.

JESAYA 49:2

Pamanganku dibaen Ia songon tajom ni podang, tanganNia mangalehen di au parlindungan. Dibaen do au songon anak ni pana, nisimpan di tabung jana marlinang tajomna.

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

DANIEL 8:10

Gabe tuk ma gogo ni tanduk i laho mamorangi tentara ni banua ginjang, i ma angka bintang, jabat do didanggurkon ia deba tu tano lalu didege-dege ia.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

BAENON NI ANGKA RASUL 26:13

Jadi di tonga dalan i hira-hira kotu ma hatiha i, ale rajanami, huida ma sada sinondang sian langit, tumorang dope sian sinondang ni mataniari humaliang au dohot humaliang dongan-donganki na mardalan rap dohot au.

EPESUS 6:17

Jagit hamu ma haluaan na gabe songon kupia baja di hamu, dohot hata ni Debata na songon podang na sian Tondi Parbadia.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 10:1

Dung i huida ma sahalak surusuruan na asing mijur sian banua ginjang. Na gogo sun do surusuruan i. Dibalut ombun do ia jana halibutongan di ginjang ni ulunia. Songon mataniari do bohina i jana patna i songon tiang api.

HALUMBAAN 12:1

Jadi tarida ma di langit hahomangan godang jana na luar biasa. Adong ma sahalak dadaboru na mamake mataniari songon pakeanna, dohot bulan di toru ni patnia. Adong ma di ulunia i sada tuku na nibaen sian dua bolas bintang.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 19:21

Jana hona bunu ma angka na asing na tinggal dope dibaen podang na ruar sian pamangan ni na Manengget kudo na bontar i. Jadi marroan ma angka unggas, dipapangani ma juhut ni halahi na hona bunu i.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

HALUMBAAN 2:12

“Tu surusuruan ni parlagutan na di Pergamus, suratkon ma songon on: On ma barita sian na maniop podang na tajom na marmata dua i.

HALUMBAAN 2:16

Antong, pauba hamu ma rohamunu sian angka dosamunu i! Muda inda songon i, ro ma Au santongkin nari mandapotkon hamu jana poranganKu ma angka halakna i dohot podang na di pamanganKon.

HALUMBAAN 3:1

“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!

HAKIM-HAKIM 3:16

Sanoli dibaen si Ehud ma sada podang disia. Sidua baba do podang i, jana ginjangna mardonok do satonga meter. Disandangkon si Ehud ma podang i di siamunnia di bagasan bajunia i

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.