HALUMBAAN 1:13 - BIBEL JAMITA NA DENGGAN

¹³ Di holang-kolang ni angka parlampuan i jongjong ma sada songon Anak Ni Jolma do idaon rupana. Mamake baju juba na ginjang do Ia lalu tu patNa i. Adong di andoraNa i sere dialitkon Ia.

HALUMBAAN 1:13 ပူးပေါင်းရင်းမြစ်များ

HARURUAR 39:5

Songon i muse dohot bobat laing sian abit na halus partonunna, dibaen ma i di efod i gabe sada dohot baju songon na diparentahon Tuhan tu si Musa.

JESAYA 11:5

Markite hasintongan dohot hatigoran do aturonNia bangsoNa.

DANIEL 10:16

Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

DANIEL 7:9

Di na torus au mangaligi, dihobasi ma sanga na piga habangsa. Jadi juguk ma ia Na Tongtong Mangolu i di sada sian angka habangsa i. PakeanNia dohot obukNia ias sajo mamontar songon hapas, gara-gara do habangsa i dohot angka rodana i hara ni jilam ni api.

HAMALIMON 8:7

Dung i dipapakehon ia ma tu si Harun kameja dohot juba dohot bobat. Dung i dipapakehon ia muse efod jana dirahutkon ia bobat ni baju efod na nitonun halus tu gonting ni si Harun.

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

HALUMBAAN 14:14

Dung i huparrohahon ma, gabe huida ma ombun na bontar. Juguk ma di ombun i songon Anak Ni Jolma do idaon rupaNa. Adong do di uluNa i sada tuku sere jana di tanganNa i sada sasabi na tajom.

HALUMBAAN 15:6

Manigor ruar ma pitu surusuruan – i ma na mangurus mara na pitu i – sian bagasan Bagas Na Badia i. Sian abit linen do pakean ni halahi, ias jana marnyirlak-nyirlak. Jana adong do panutup ni andora ni halahi na nibaen sian sere.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.