HAGAI 2:9 - BIBEL JAMITA NA DENGGAN

⁹ Jumeges dope BagasKu na imbaru on, ulang pado na parjolo i, jana lehenonKu ma dison dame dohot hasonangon tu bangsongKu.” Madung didok Tuhan Na Markuaso i na songon i.

HAGAI 2:9 ပူးပေါင်းရင်းမြစ်များ

JESAYA 60:7

Hambeng biri-biri ni Nebayot dohot Kedar dioban tu ho baen tutungon di langgatan gabe ibadatMu. Jadi gabe jop ma roha ni Tuhan. BagasNia mur tu jagarna.

JESAYA 66:12

Songon on do pandok ni Tuhan, “LehenonKu ma di hamu dame na manongtong. Mabaor ma tu hamu sinadongan ni angka bangso songon batang aek na so jungada hiang. Tudos ma hamu tu dakdanak na nipasusu ni inangna, diabing diampuanna jana di turke-turke mardongan holong ni roha.

JEHESKIEL 43:5

Diangkat Tondi Ni Tuhan i ma au jana dioban tu alaman parbagasan i; huida ma disi Bagas Na Badia digohi sinondang ni haroro ni Tuhan i.

MIKA 5:5

Taluhonon ni halahi ma Asur dohot luat ni si Nimrod marhite podang; jana paluaon ni halahi ma hita sian halak Asur, muda ro halahi masuk tu tanonta dohot mamolus luatta jana mandege luatta.

HAGAI 1:8

Saonnari manangkok ma hamu tu angka dolok laho martoktok, lalu pauli hamu ma BagasKu; jadi gabe sonang ma Huhilala jana pataridahononKu ma hamuliaonKu disi, ninna Tuhan.

HAGAI 2:3

“Adong dope ulaning sian hamu na marningot sanga songon dia parjagar ni BagasKon na salpu i? Saonnari bia do pangalahona mangihutkon pandapotmunu? Inda he dao do sian puas ni pangkilalaan?

ZAKARIA 2:5

Madung dijanjihon Tuhan bahaso na giot Ia sandiri do gabe tembok api humaliang kota i laho mangondingisa jana na giot disi noma Ia di bagasan sude kuaso dohot hagodanganNia.”

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 14:27

Hasonangan do Hutadingkon di hamu. Hasonangan na sian Au sandiri do na Hulehen tu hamu. Nada songon pangalehen ni portibi on anggo pangalehenKu hasonangan i tu hamu. Ulang pola susa rohamunu; ulang hamu mabiar.

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

JAKOBUS 2:1

Hamu angka dongan! Songon halak na porsaya tu Tuhan Jesus Kristus, Tuhan Na Sumangap i, ulang ma hara ni angka pangalaho na tarida baen hamu mangaligi bohi ni halak.