HAGAI 2:22 - BIBEL JAMITA NA DENGGAN

²² ParrumpakkononKu ma angka harajaan jana sarsarkononKu angka kuaso ni halahi. Huparbalikkon angka kareta porang dohot na manenggetsa; marmatean ma sude kudona jana marsibunuan ma angka na manenggetsa.

HAGAI 2:22 ပူးပေါင်းရင်းမြစ်များ

2 JUJUR TAON 15:6

Disosak bangso na sada do bangso na asing, jana luat na sada mamisat luat na asing, dibaen diparo Debata antong hagaoran godang tu halahi.

2 JUJUR TAON 20:22

Di na mamungka marsurak marendei angka parende i, dibaen Tuhan ma hagaoron di tonga-tonga ni tentara ni musu na manyerang i.

2 JUJUR TAON 20:23

Dialo tentara ni Amon dohot Moab ma tentara ni Edom jana abis sude mate disaroso halahi. Dung i marbalik muse ma halahi marsihantaman jebu songon i na sada tu na asing.

MASMUR 46:9

Diantak Ia do parporangan di tano on sudena, diropuk Ia angka parkokas ni porang jana ditutungi Ia.

MASMUR 76:6

Ale Debata ni si Jakob, Ho do manyonggak halahi, gabe marmatean ma sude na manengget dohot kudona i.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:28

Mardomu ma aek i jana dilingkupi ma sude kareta dohot halak na di kareta i maradu sude tentara Mesir na mangayak halak Israel i tu bagasan laut; umpe sahalak na mangolu sian halahi.

HARURUAR 15:19

Di na nitariparan ni halak Israel laut i, mardalan di tano na mahiang do halahi. Tapi dung masuk angka kareta ni halak Mesir bope kudo dohot na manjuguhisa tu laut i, dipadalan Tuhan ma mulak aek i, gabe bonom halahi.

HARURUAR 15:4

Tentara ni Mesir dohot angka karetana diambungkon Ia tu laut, tentara pilian na jumingar bonom di Laut Rara.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

JESAYA 60:12

Bangso na so ra marpangoloion tu ho gabe sisoada do.

JESAYA 9:19

Muruk situtu Tuhan Na Markuaso i jana panguhumNa pe songon api na marsigorgor jana bangso i ma songon purunan siabiskononna. Umpe adong sahalak na maribo ni roha mida kahanggina.

JEHESKIEL 21:27

RoncohononKu ma sudena kota on, lopus di sude inganan hum sego-segona noma na adong. Tapi dung ro pe halak na Hutodo i laho manguhumi kota on anso tarjadi na songon i. Tusia ma pasahatonKu kota on.”

JEHESKIEL 26:16

Paida-ida bagianmu, jongjong ma angka raja na sian bangso-bangso na di topi ni laut sian habangsana, bukaonna baju juba hasangapanna baju na marsulam na nipake ni halahi, lalu marjuguhan di tano humitir be. Sun ma biar ni halahi, gabe nada tarbaensa so.

JEHESKIEL 38:21

Dung i songgotonKu ma si Gog dohot sude ragam ni parmaraan. Au Tuhan Debata madung mandok songon i. Marsitampulan ma angka parangannia i dohot podang ni halahi i.

JEHESKIEL 39:20

Butongan ma hamu di pestangKi, mangankon kudo dohot na manenggetsa, angka na gogo dohot halak parporang. Songon i ma didok Tuhan Debata.”

DANIEL 8:25

Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

AMOS 2:15

Na malo manyior pe nada manahan, na hipas marlojong pe nada tarbaensa paluahon dirina, jana na mangalombut kudo pe nada malua.

MIKA 5:10

Huroncohon angka kota na adong di tanomu jana Hurumpakkon sude partahananmu.

MIKA 5:8

Taluhonon ni Israel ma angka musuna jana roncohononna i sudena.

MIKA 5:9

Didok Tuhan ma: “Masa ma di hatiha i, pangabisonKu ma angka kudo sian tonga-tongamunu jana ropuhonKu ma angka kudo porangmu.

MIKA 7:16

Idaon ni angka bangso ma i jana maila ma halahi dung diboto na so adong do hape bagi aha arti ni sandok hagogoan ni halahi. Mago ma roha ni halahi gabe nada be malo mangkuling sanga marbinege.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

ZAKARIA 10:11

Muda mamolus lautan ni hasusaan halahi, Au Tuhan mamukul angka ombaknai, tandolan ni Batang aek Nil pe gabe mahiang. Diparenjep ma Asur na bulbul i, jana agoan kuasona ma Mesir na gogo i.

ZAKARIA 10:5

Monang ma halak Juda songon angka ulu balang na mangalonca-lonca musu songon bustak di dalan. Marporang ma halahi hara ni Au, Tuhan mangurupi halahi, jana taluhonon ni halahi ma parangan ni musu angka na markudo i sude.

ZAKARIA 12:9

Anggo di ari i, abiskononKu ma ganop bangso na mancubo-cubo mamorangi Jerusalem.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

ZAKARIA 9:10

Didok Tuhan ma, “Angka kareta na sian Efraim, ambungkononKu noma i, sandok kudo na di Jerusalem, abiskononKu noma i jana sude sior ponggolanKu noma i. Baenon ni rajami ma pardamean ni angka bangso. Sian laut na sada tu laut na asing ia noma markuaso. Sian Batang aek Efrat lopus tu ujung ni tano.”

MATEUS 24:7

Marporang ma bangso na sada maralohon bangso na asing. Sanga di dia pe, masa ma haleon potir dohot lalo.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HAKIM-HAKIM 7:22

Di na nipalu ni si Gideon dohot angka donganna i sarune i, dibaen Tuhan ma tentara ni musu i marsialoan na sada tu na asing marsitampulan dohot podang. Marlojong ma halahi adop Zarerah lopus tu Bet-Sita dohot kota Abel-Mehola na di lambung Tabat.

1 SAMUEL 14:16

Jadi diida tentara ni si Saul na marjago di Gibea na di Luat Benyamin dua halak Pilistin na marlojongi i pahae-pahulu marsitondong dalanna.