HAGAI 2:17 - BIBEL JAMITA NA DENGGAN

¹⁷ Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au.

HAGAI 2:17 ပူးပေါင်းရင်းမြစ်များ

PAMUNGKAAN 42:23

Mangarti do si Josep hata ni halahi i, tapi nada diboto halahi na niboto ni si Josep hata ni halahi i, harana mamake juru bahasa do halahi manghobari.

PAMUNGKAAN 42:27

Jadi diparbornginan ni halahi, adong ma sahalak sian halahi na mambuka harung ni eme laho mangalehen mangan halodenia. Diida ia ma hepengnia i di ginjang ni eme i.

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

2 JUJUR TAON 6:28

“Muda masa di luat on haleon dohot bala, sanga disego-sego alogo na milas suan-suanan sanga bala siapor, sanga muda diporangi musuna bangsoMu, sanga hona nyae,

JOB 36:13

Sanga ise na so marTuhan disimpansa do muruk ni roha; maradu diuhum Tuhan, na so ra do halahi mangido partolongan.

MASMUR 128:2

Panganonmu noma suha ni karejomu makmur jana sonang ngolumu.

MASMUR 78:46

Diparo Ia angka siapor, na pasudehon suan-suanan dohot na pasego ladang.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JESAYA 37:27

Nada adong gogo ni angka jolma na maringanan disi; tarsonggot do halahi jana mabiar. Songon duhut na di padang-padang i do halahi sanga songon duhut na tubu di tarup, sanga gandum na malos hatiha so masak dope.

JESAYA 42:25

Jadi gabe disombabkon Ia ma rimas ni rohaNia tu hita, jana dipamasa Ia porang na mambaen hita susa. Marsigorgor do murukNia pangabiskon halahi, hape nada i taboto jana nada marsiajar hita sian na tarjadi.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JESAYA 9:13

Laing na so manyosal dope bangso Israel haru pe na dung hona uhum ni Tuhan Na Markuaso i; laing na so tunduk dope halahi tu angka parentaNia.

JEREMIA 3:24

Anggo na manyomba tu Baal, gana-ganaan na pailahon i hum na mambaen hamamago do i tu angka dakdanaknami dohot tu lombu maradu biri-biri, i ma sasudena na dung dikarejohon ni ompunami mamungka sian narobi.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

AMOS 4:6

Au do na pamasahon haleon potir tu sude kotamunu, hape nada mulak hamu tu Au.

HAGAI 1:11

Ma pola Huparo hahiangon tu tano dohot tu angka dolok-dolok, tu angka gandum dohot angka kobun anggur maradu tu angka kobun zetun, dohot tu sude na tubu di tano on, salang tu jolma pe tehe dohot pahan-pahanan maradu sude na nikarejohon ni tanganmunu.”

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

HAGAI 2:16

kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong.

MALEAKI 3:11

SonggakonKu ma angka siapor na sompor, anso ulang dipangabis ia angka suha ni tanomu jana ulang jabat nada marbatu angka bona ni anggurmu, ninna Tuhan Na Markuaso.

PANGARATAION 28:22

Uhumon ni Tuhan ma ho dohot ragam ni nyae na posi, tbc, milas, radang. ParoonNia ma logo ni ari dohot alogo na mangombuskon lopus sego suha ni ladangmunu. Sai marpupu ro do bala on taononmunu lopus mate hamu sude.

HALUMBAAN 2:21

Jana madung Hulehen tusia hatiha anso dipauba ia ma rohania sian na markarosuan i; tapi nada dipauba ia rohania.