HAGAI 1:9 - BIBEL JAMITA NA DENGGAN

⁹ Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

HAGAI 1:9 ပူးပေါင်းရင်းမြစ်များ

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 22:16

Dung i haidaan ma tandolan ni laut i jana mungkap ma ojahan ni portibi, di na mangogar Tuhan tu musuNa jana manggora tu halahi dohot rimasNa.

2 RAJA-RAJA 19:7

Patubegehonon ni Tuhan ma sada barita tu raja Asur na mambaen ia mulak tu luatnia sandiri jana mate hona bunu ma ia disi.”

JOB 10:2

Ale Debata, ulang ma da au sai pasala. Patorang ma da dialo Ho iba hara ni aha.

PODA 11:24

Adong do halak na burju mangalehen tapi martamba kayo, adong do na sun hematna mur pogos.

PODA 27:20

Anggo di inganan ni halak na mate, lumbang do inganan; laing songon i ma hagiot ni jolma nada tarsuhat bidangna.

PARJAMITA 1:8

Sude do paloja roha jana nada tarhatahon loja ni roha i. Nada marnabutong matanta i manatap; pinggolta i nada marnapuas manangihon.

JESAYA 40:7

Mahiang ma duhut i jana malos ma bunga i, di na niombuskon ni Tuhan alogo i. Anggo bangso i do satutuna hum songon duhut sajo do.

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEHESKIEL 21:31

PalaluonKu ma tu ginjangmunu muruk ni rohangKu na gara-gara i. Jana pasahatonKu ma hamu tu angka jolma na jingar na dung somal mamatehon.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

HAGAI 1:4

“Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

HAGAI 1:6

Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

PANGARATAION 28:38

Saburkononmunu ma bahat same, hape saotik sajo do suhana dapot ho, angke papanganan ni siapor do na nisuanmunu i.

HALUMBAAN 2:4

Tapi anggo pangalaho na sada on nada sonang rohangKu mida hamu: Nada songon di mulana i be holong ni rohamunu.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.