HAGAI 1:6 - BIBEL JAMITA NA DENGGAN

⁶ Madung disabur hamu bahat same, hape saotik do suhana. Adong do nian panganon di hamu, tapi nada tuk pabutongkon siubeonmunu. Minum do hamu nian, tapi nada sombu nguasmunu. Adong do pakeanmunu, tapi nada tuk mambaen las pamatangmunu. Jana upa na nijagit ni pangomo nada tuk laho paudutkon ngolu ni halahi.

HAGAI 1:6 ပူးပေါင်းရင်းမြစ်များ

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

1 RAJA-RAJA 17:12

Dialusi anak boru i ma, “Mangasahon Tuhan na mangolu, Debata na nisomba ni damang husumpahon do, paboa na so adong rotingku. Hum sanjomput topung gandum ma na adong di mangkuk dohot miak zetun saotik di botol. Na mambuat soban do au laho mangalompahon sisaotik i anso hami pangankon i dohot anakki. I noma panganonnami na parpudi, dung i painte-inte mate noma hami.”

NEHEMIA 5:2

Adong ma na mandok, “Anakku bahat. Porlu gandum anso mangolu.”

JOB 20:22

Dompak di bungaran ni hamogaanna, ro ma arsak dohot susa mandondonisa.

JOB 20:28

Gabe soada noma sude sinadonganna, hara ni pangayup ni muruk ni Debata.

MASMUR 107:34

Tano na napu dibaen Ia gabe tano garoga, hara ni hajahatan ni jolma na manginganisa.

PODA 11:24

Adong do halak na burju mangalehen tapi martamba kayo, adong do na sun hematna mur pogos.

JESAYA 5:10

Tapi kobun anggur na nibajak di bagasan sampulu ari, hum sagunci noma suhana. Jana same na sinabur tolu pulu onom kaleng bahatna, hum santuhuk gandum noma sabionna.”

JEREMIA 12:13

Disabur bangsongKi gandum, tapi duri do sabionna. Marloja-loja halahi, hape nada marsuha karejona i. Gilap do murukKu gabe nada mandapot na nikarejohon ni halahi.

JEREMIA 14:4

Nada ro udan jana tano mahiang mangkarogang; digupgupi partani bohina patunda ni arsakna.

JEREMIA 44:18

Tapi disi mantak hami manghaulkon haul tu Namora di Langit, jana nada be hami duruskon anggur songon pelean tusia, gabe marpogos ma hami, marmatean ma angka halaknami di porang sanga hara ni haleon potir.”

HOSEA 4:10

Panganonmunu do nian sian angka haul na nihaulkon i, hape tongtong malean. Sombaonmunu ma angka debata hagabean, tapi laing nada maruntungan hamu, angke madung ditadingkon hamu Au laho marsomba hamu tu angka debata.”

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

HAMALIMON 26:20

Sude halojaonmu nada adong gunana, angke tanomunu nada marsuha, jana suan-suananmu nada marbatu.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

HAGAI 1:10

I ma da boncirna umbaen na ditiopi langit i ombunna, jana ditiopi tano i suhana.

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

HAGAI 1:7

Songon on ma hata ni Tuhan Na Markuaso, “Pamanat hamu ma dirimunu!”

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

HAGAI 2:16

kehe hamu mangaligi talobat ni gandum jana diambang hamu dapot hamu ma 200 kilo gandum, hapengani hum 100 do na adong. Kehe ma hamu laho manahu 100 liter anggur sian tongna, hapengani hum opat pulu liter do na adong.

HAGAI 2:17

Ma pola Huparo alogo na milas dohot ambolas laho manyegohon sude suan-suanan na di ladangmunu, hape laing matua so ra do hamu mulak tu Au.

ZAKARIA 5:4

Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”

ZAKARIA 8:10

Hatiha dompak so dapot dope ari on, nada taruli halak di gogona, jana pahan-pahanan pe songon i do, jana nada adong jolma na malua sian musuna. Harana Hubaen do halahi marbadai.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

PANGARATAION 28:17

Buraan ni Tuhan ma suha ni gandummunu dohot sipanganon na nibaen sian gandum i.