HAGAI 1:4 - BIBEL JAMITA NA DENGGAN

⁴ “Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

HAGAI 1:4 ပူးပေါင်းရင်းမြစ်များ

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

2 RAJA-RAJA 5:26

Tapi didok si Elisa ma, “Disi do rohangku dompak na mijur i si Naaman sian karetania mandapotkon ho. Nada tingkina songon on dapotan hepeng, dohot manobusi kobun zetun, kobun anggur, biri-biri dohot lombu bope angka hatoban!

MASMUR 102:14

Dibaen holong do roha ni angka naposoMu midasa, haru pe madung tinggal sego-sego sajo noma i. Ibo roha ni halahi midasa, haru pe ia madung gabe abu.

MASMUR 74:7

Disurbu halahi do inganan habadiaanMu lopus gabe tiranggong, pahodarkon inganan parsombaan maradopkon Ho.

PARJAMITA 3:3

Adong do hatihana mamunu dohot hatihana pamalumkon, manyego-nyego, dohot hatihana paturehon.

JEREMIA 22:14

Marjaya muse ma halak na mandok, “Giot pajongjongonku ma bagas godang na godang, marbilik-bilik na godang di tingkat parginjang.” Dung i dibaen ia ma di bagas godang i jandela na marbingke hayu sampinur Libanon, jana dicet na rara.

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEREMIA 33:10

Didok Tuhan ma, “Pandok ni halak, songon padang halongonan do inganan on, nada adong jolma sanga binatang maringanan dison. Tutu do nian na nidok ni halahi i, harana na dung rumar do sudena angka kota na di Juda dohot angka dalan na di Jerusalem; nada adong jolma sanga binatang na maringanan disi.

JEREMIA 33:12

Didok Tuhan Na Markuaso i ma, “Nada diingani jolma sanga binatang luat na songon padang halongonan on. Tapi haru songon i pe adong do i muse di pudian ni ari angka padang hatubuan ni duhut inganan ni halak marmahani angka biri-birina.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

ANDUNG 2:7

Ditulak Tuhan do langgatanNa na badia i. Nada ra be Ia mangakui bagasNia sandiri; dipadiar Ia musu i mangaroncohon angka tembokna i. Di ingananta na salpu i maribadat marjop ni roha, marsurak musu songon na marpesta.

ANDUNG 4:1

Sere na marlinang i ma pola mondap madung marserak di dalan i angka batu ni Bagas Ni Debata.

JEHESKIEL 24:21

Dokkon ma tu halak Israel; songon on do didok Tuhan Debata satutu-tutuna pahodaronKu ma inganan parbadiaanKu, kuaso na dipangasahonmu, hasonangon ni matamu dohot rohamu; dohot anakmu halaklahi dohot dadaboru na nitinggalkonmu angkon mate rumpak dibaen podang.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

HAGAI 1:3

Dung i markite-hite Panurirang Hagai, didok Tuhan ma songon on,

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

HAGAI 1:9

Sai diarop rohamunu do suha ni karejomunu marlobi-lobi, hape saotik sajo do dapot hamu; dioban hamu ma i mulak, hape Huombus suha ni na dapotmunu i gabe abis dioban alogo. Biasi Hubaen songon i? Songon on do alusna: “Dibaen laing tinggal sego-segona sajo dope BagasKu, hape hamu ma pola sude marsibangun bagasna be, ninna Tuhan Na Markuaso.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

PILIPPI 2:21

Anggo na asing i do, hum na pareso tu dirina sandiri be do, jana nada tu haporluan ni Jesus Kristus.