HAGAI 1:2 - BIBEL JAMITA NA DENGGAN

² “Songon on do hata ni Tuhan Na Markuaso i: Didok bangso on do, na so hatihana dope mangulahi mambangun bagasKu.”

HAGAI 1:2 ပူးပေါင်းရင်းမြစ်များ

2 RAJA-RAJA 12:7

Jadi gabe dipio si Joas ma Malim Joyada rap dohot malim na asing i jana didok ia ma, “Biasi laing nada dipadenggan hamu dope Bagas Ni Debata? Mamungka sadari on, nada tola be hamu manyimpan hepeng na nijagitmunu. Angkon pasahatonmunu noma sudena i anso adong padenggankon Bagas Ni Debata.”

ESRA 4:23

Dung dibasahon surat ni si Artahsasta i tu si Rehum, si Simsai dohot tu angka dongan ni halahi i, manigor ma halahi kehe tu Jerusalem jana dipaksa halahi ma halak Jahudi i mangantak karejo na mambangun kota i mangulahi.

NEHEMIA 4:10

Tapi mamungka ma halak Juda mangendehon ende humolos songon on: “Ma abis gogonta maroban boban, hapengani laing bahat dope rompak martibalan. Songon na so margogo be nihilala karejo songon on na mambangun tembok ni kota on.”

PODA 22:13

Halak na losok mandok: “Adong singa di luar dijomak au annon di tonga dalan.”

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

PARJAMITA 11:4

Sanga na ise na paintehon lopus denggan sun alogo dohot ari, nada saut i manyuan jana nada muse i mambuat suha.

PARJAMITA 3:3

Adong do hatihana mamunu dohot hatihana pamalumkon, manyego-nyego, dohot hatihana paturehon.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

HAGAI 1:3

Dung i markite-hite Panurirang Hagai, didok Tuhan ma songon on,

BILANGAN 13:31

Tapi ninna angka halak na rap mulak dohot si Kaleb i ma, “Nada, angke nada tuk gogonta mangalo halahi. Gumogo do halak luat i sian hita.”