HABAKUK 3:7 - BIBEL JAMITA NA DENGGAN

⁷ Huida ma mabiar rayat ni Kusan, jana humitir halak Midian.

HABAKUK 3:7 ပူးပေါင်းရင်းမြစ်များ

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.

JOSUA 2:10

Na dung hami bege do baritana bagi na songon dia dibaen Tuhan pahiangkon Laut Rara di jolo ni matamunu di na kehe hamu manadingkon Mesir. Hami bege muse do sanga na bia dibaen hamu mamunu si Sihon dohot si Og raja ni bangso Amori na dua i di Habincaran ni Batang aek Jordan.

HAKIM-HAKIM 8:12

Marlojong ma si Zebah dohot si Salmuna raja ni Midian na dua i tapi dikojar si Gideon ma halahi jana ditangkup, jadi gabe masarsar ma parangan ni halahi i hara ni biarna.

JEREMIA 49:29

Rampas ma angka pahan-pahanan, biri-biri, unto maradu angka undung-undung ni halahi dohot isina sudena, jana marsurak ma hamu tu halahi, ‘Ogor-ogor noma na mangarajai hamu!’

HARURUAR 2:15

Dung tarbege tu raja na masa i, dijalahi ia ma dalan laho mamunu si Musa. Gabe lintun ma si Musa jana maringanan di Luat Midian ma ia. Malim sian Midian margoar si Jetro, pitu do borunia. Di na sadari, hatiha juguk si Musa di lambung ni sada sumur, ro ma bujing-bujing na pitu i; giot manimba aek mangisi panginuman ni habanan ni hambeng dohot biri-biri ni amang ni halahi.