HABAKUK 2:6 - BIBEL JAMITA NA DENGGAN

⁶ Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

HABAKUK 2:6 ပူးပေါင်းရင်းမြစ်များ

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

JEREMIA 50:13

Hara ni na muruk Au, gabe tinggal sego-segona noma Babel jana gabe lobu. Sude halak na mamolus sian i gabe tarsonggot jana longang.

JEREMIA 29:22

Jadi muda adong halak na dioban tu Babel na giot mamurai sada-sada halak, dokkonon ni halahi ma, ‘Sai dibaen Tuhan ma ho nian songon si Zedekia dohot si Ahab na nitutung ni raja Babel mangolu-olu.’

BILANGAN 23:7

Dung i didok si Bileam ma panurirangonna i songon on, “Sian Aram, sian dolok-dolok di Habincaran an, si Balak, raja ni Moab marpio au mandok, ‘Ro ma ho burai ma si Jakob, jana ro ma ho burai ma Israel!’

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

HABAKUK 2:13

Marloja-loja angka bangso na nitaluhonmu nada adong gunana, jana abis dipangan api do sude na nipajongjongna. Giot ni Tuhan Na Markuaso i do sudena i.

HABAKUK 1:15

Ditangkup bangso Babel do angka jolma dohot hail, songon dia ihan halahi pambaenna. Lalu disarat ma halahi di bagasan jala, dung i dipamasuk tu bagasan hadang-hadanganna; gabe marmoga-moga ma bangso Babel hara ni doharna.

JEHESKIEL 32:21

Mardongan jop ni roha sambuton ni angka ulubalang na barani dohot angka jolma na marporang mandongani halak Mesir ma haroro ni halak Mesir di inganan ni halak na mate. Marsurak ma halahi songon on, ‘Madung marmatean angka jolma na so mananda Debata i di bagasan parporangan. Saonnari ro do halahi tuson jana modom dison!’

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

JESAYA 44:20

Tudos tu na mangan abu do pangalaho i. Songon i ma liluna dibaen pikiran na oto i, gabe nada haurupan be ia. Nada ra ia mangoku tu dirinia sandiri, anggo patung na di tangannia i sanga na bia pe nada Debata i.

PODA 22:16

Sanga ise na mamisat halak na so marnampuna jana marsilua tu halak na mora mardongan maksud anso mamora gabe marpogos situtu do i di ujungna.

MASMUR 94:3

Ale Tuhan, intap ni andigan parjahat i marjop ni roha, lopus sadihari halahi marmoga-moga?

BILANGAN 23:18

dung i didok si Bileam ma panurirangonna, “O Balak, anak ni si Zipor, ro ma. Adong na giot dohononku, tangihon ma!

JESAYA 10:13

Manggambung ma raja Asur, ning ia ma, “Markite-hite kuasongku sandiri do da i hubaen sudena. Sai gogo, sai bisuk dohot sai pistar au antong. Husesa angka na mangholangi angka bangso, jana hurampas arta na nipalagut-lagut ni halahi. Jana songon lombu, hulonca-lonca angka halak na mamarenta.

HABAKUK 2:12

Hona bura ma ho! Dipajongjong ho do kota di ginjang ni hajahatan jana dibaen ho do i mardongan pamunuon.

JESAYA 5:8

Marjaya ma hamu! Ditobusi hamu ma angka bagas dohot angka ladang laho manamba sinadonganmunu. Nada sadia honok nari abis ma inganan di halak na asing jana hum hamu sajo noma na maringanan di luat i.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.