HABAKUK 2:1 - BIBEL JAMITA NA DENGGAN

¹ Manaek ma au tu menara panjagoanku jana hupainte ma jolo sanga songon dia alusNia di holos ni rohangku.

HABAKUK 2:1 ပူးပေါင်းရင်းမြစ်များ

2 SAMUEL 18:24

Dompak juguk-juguk do si Daud di antara ni pintu horbangan na di bagasan dohot pintu horbangan parruar ni kota i. Manaek ma panjago i tu ginjang ni tembok jana jongjong ia di tarup ni pintu ni horbangan i. Di na manatap ia, diida ia ma ro sada halak na marlojong-lojong.

2 RAJA-RAJA 17:9

jana dipambaeni halahi angka pangalaho na so nipaloas ni Tuhan, Debata ni halahi. Dipajongjong halahi do angka inganan pamelean ni gana-ganaan di sude kota, na menek pe dohot na godang.

2 RAJA-RAJA 9:17

Diida pangawal na di palas-palas ma si Jehu dohot angka donganna i ro, gabe didok ia ma, “Adong sarombongan halak na giot ro tuson!” Dialusi si Joram ma, “Suru ma jolo sahalak parajurit parkudo kehe manangkasi betak na dongan do halahi sanga na alo.”

JOB 31:35

Na so adong be ulaning sanga ise na ra umbege hataniba? Tahan do au marsumpa paboa na tutu do i sudena. Sai dialusi Debata Na Markuaso i ma jolo nian iba. Sugari disuratkon tuhas-tuhas ni musungku tu au anso tangkas sude di jolo ni matangku,

JOB 31:37

Sanga aha na hubaen, paboaonku ma i tu Debata, jana gakgak ma au padorgak ulu di joloNa.

MASMUR 5:3

O Tuhan, pangidoanku tu Ho muda manyogot sai tangihon ma tangiangku, di na maroban haul au tarpainte do au Tuhan di alusMu.

MASMUR 85:8

Giotku ma manangihon hata ni Tuhan Debata, dibaen madung dijanjihon Ia pardamean tu hita, bangso na nihaholonganNia, muda tatadingkon antong angka dosanta.

MASMUR 85:9

Tutu ma da, na maringanan Debata na godang di tanonta, jana madung hobas paluahon halak na burju marugamo.

JESAYA 21:5

Huida muse ma horja na godang na dung dihobasi; rade juguhan di angka tamu na niontang. Mangan minum ma halahi. Ompot ma tarbege parenta, “Hamu angka panglima! Pasingkop hamu angka parincemunu!”

JESAYA 21:6

Dung i didok Tuhan ma tu au, “Kehe ma ho, pasingkop ma sahalak panjago di gardu panjagoan jana suru ma ia mangalapurkon sanga aha na niidania.

JESAYA 21:8

Dung i pio-pio ma panjago i, “Tuan, madung jonggor au arian dohot borngin.”

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

JEREMIA 12:1

Muda hupatigor parkarongku di adopanMu ale Tuhan, tontu torang do tarida laing Ho do na tigor. Tapi laing por do rohangku marsapa tu Ho taringot tu soal hatigoran: Biasi sonang halak na jahat? Biasi ma he halak na geduk mardohar?

JEREMIA 6:17

Dung i marpupu ma diangkat Tuhan angka panjago na paingotkon halahi anso ditangihon nian sora ni sarune sipaboa tanda. Hape didok bangso i do, “Nada ra hami manangihon i.”

JEHESKIEL 3:17

“Ale jolma parsantongkinan, Huangkat ma ho gabe panjago ni Israel. Palalu ma tu halahi sipaingot on.

JEHESKIEL 33:7

Ale jolma parsantongkinan, Huangkat do ho gabe panjago ni bangso Israel. Palalu ma tu halahi sipaingot on:

MIKA 7:7

Tapi anggo au marpos ni roha tu Tuhan do; mardongan pos ni roha na godang hupainte Debatangku. Ditangihon Ia tangiangku jana dipalua Ia do au.

2 KORINTUS 13:3

Anggo disi idaonmunu ma buktina paboa na tutu do mandok hata Kristus markite-hite au. Muda baenon ni Kristus tindakan tu hamu, nada gale-gale baenonNia, tapi patidahononNia ma kuasoNia di tonga-tongamunu.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.