ESTER 9:28 - BIBEL JAMITA NA DENGGAN

²⁸ Laing dipahot muse do salolot-lolotna do angkon ingoton Ari Purim i jana dirayahon sandok ripe ni halak Jahudi sian ganop sundut di sude propinsi dohot di sandok kota.

ESTER 9:28 ပူးပေါင်းရင်းမြစ်များ

ESTER 9:27

i ma dalanna gabe dibaen halahi sada paraturan di halahi sandiri, di pomparan ni halahi dohot di sude halak na giot gabe anggota ni bangso Jahudi. Mangihutkon paraturan i, ganop taon angkon rayahonon ni halahi do sudena ari na nitontuhon ni si Mordehai i.

ESTER 9:29

Tamba ni i, dibaen si Ester boru ni si Abihail i do surat paduahon rap dohot surat ni si Mordehai i, na pagomoskon surat ni si Mordehai i salaho tu Purim i.

MASMUR 103:2

Puji ma Tuhan, ale tondingku, jana ulang halupahon sude hadenggananNa!

MASMUR 145:4

Sian sundut tu sundut, sai pujionna do goarMu, jamitahonon ni halahi do hasangapanMu.

HARURUAR 12:17

Angkon tongtong do baenonmunu parningotan di Ari Pesta on, angke di ari on ma Huoban sude bangsomunu haruar sian Mesir. Tu angka ari na ro pe angkon baenon do parningotan di Ari Pesta on lalu tu angka pomparanmunu.

ZAKARIA 6:14

Disimpan ma tuku i di bagasan BagasKu baen parningotan tu si Heldai, si Tobia, si Jedaya dohot si Josia.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”