ESTER 9:25 - BIBEL JAMITA NA DENGGAN

²⁵ Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

ESTER 9:25 ပူးပေါင်းရင်းမြစ်များ

1 RAJA-RAJA 8:32

o, ale Tuhan, tangihon ma sian banua ginjang jana ho ma manimbang parkaro ni angka naposoMon. Tu angka na marsala baen ma uhuman na patut disia jana tu halak na so marsala, sai palua ma.”

ESTER 3:6

Jana dung diboto ia na halak Jahudi do hape si Mordehai, dibaen ia ma haputusan laho manguhum si Mordehai jana nada hum ia sajo, tapi na giot pusaonnia muse ma sandok bangso Jahudi na di harajaan Persia.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 7:4

Harana madung targadis au dohot bangsongku laho bunuon. Sugari digadis hami hum na giot baenon hatoban, huhasipkon do i jana nada gangguonku pola raja i. Hape saonnari na giot abiskonon ma hami jana pusaon!”

ESTER 7:5

Jadi marsapa ma Raja Ahasweros tu Ratu Ester, “Ise dehe na puluk mambaen songon i? Di dia halakna i?”

MASMUR 140:8

Ale Tuhan, ulang ma patulus giot ni siparjahat, ulang padiar manjadi sangkap ni halahi.

MASMUR 140:9

Ulang padiar monang musungki, padiar ma angka hata ni halahi na jahat i mandondoni halahi.

MASMUR 141:10

Sai halahi ma nian tinggang baenon ni joratna, anggo au malua ma kehe mangalangka.

MASMUR 7:16

Hajahatan na nitahi ni rohana, tapi ia sandiri do na hona dibaensa.

MASMUR 7:17

Giot mandok tarimakasi au tu Tuhan, jana mamuji goar ni Tuhan Na Gumincat.

MASMUR 94:23

Diuhum Ho do halak na jahat hara ni hajahatanna, dipangabis Ho do halahi hara ni dosana. Tuhan Debatanta giot patimpaskon halahi.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PODA 5:22

Songon tirangkap do dosa ni jolma na jahat na manjorat halakna i sandiri.

JESAYA 22:25

Muda dung tulus i, gabe taldus ma sangkotan na togu i jana madabu. Jana i ma pangabisanna sian horong dohot sude halak na marsigantung tusia. Tuhan Na Markuaso madung mandokkonsa.”

OBAJA 1:15

“Tutu do na dung donok arina, Au Tuhan giot uhumanKu angka bangso. Baloskonon ma tu Edom sandok na nibaennia. Jagitonnia ma mangulahi sanga aha na nilehennia.

MATEUS 21:44

Sanga ise na madabu tu batu i, angkon gabe masarsar. Jana sanga ise na didondoni batu i, angkon magopu gabe abu.]”

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.