ESTER 9:22 - BIBEL JAMITA NA DENGGAN

²² Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

ESTER 9:22 ပူးပေါင်းရင်းမြစ်များ

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

ESTER 9:21

Isi ni surat i, i ma parenta anso dirayahon tanggal opat bolas dohot lima bolas bulan Adar ganop taon.

ESTER 9:23

Dioloi halak Jahudi do parenta ni si Mordehai i jana songon i ma ari parayaan i gabe hasomalan ni adat ganop taon.

MASMUR 103:2

Puji ma Tuhan, ale tondingku, jana ulang halupahon sude hadenggananNa!

MASMUR 149:7

laho manaluhon angka bangso, jana manguhumisa;

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 30:12

Jana nada ra be au manghasipkon; endehononku noma Ho dipamujion. O Tuhan, Ho do da Debatangku, sai mandok tarimakasi tu Ho do au salolotna.

MASMUR 37:15

Hape hona tiham ni podangna sandiri do parjahat i sior ni halahi i pe diponggoli.

JESAYA 14:3

Giot paluaon ni Tuhan ma Israel sian parhancitan dohot pardangolanna dohot sian karejo na borat na nipaksahon tu halahi.

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

MATEUS 5:4

Martua ma halak na marsak roha; angke na giot apoan do roha ni halahi.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

GALATIA 2:10

Hum on sajo ma i pangidoan ni halahi: Anso hami parrohahon halak na pogos. Jana pangalaho na songon i muse ma jop ni rohangku.

PANGARATAION 15:7

Muda dung maringanan hamu sanoli on di tano na giot silehenon ni Tuhan Debatamunu di hamu, hape adong sian dongan sabangsomunu na marpogos di sada sian hutamunu i, ulang hamu hum na manyarihon tu dirina be jana manjua hamu mangurupisa.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.

PANGARATAION 16:15

Pitu ari honokna angkon hagodangkononmunu pesta on laho pasangapkon Tuhan di inganan paribadatan na sada i. Marjop ni roha ma hamu hara ni na nipasupasu ni Tuhan panen dohot karejomunu.

HALUMBAAN 11:10

Marjop ni roha ma halak na mangingani tano on hara ni parmate ni saksi na dua halak i. Marpesta ma halahi jana marsitongosan silua, angke madung bahat hasusaan na ro tu jolma manusia dibaen panurirang sidua halak i.

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”