ESTER 9:13 - BIBEL JAMITA NA DENGGAN

¹³ Dialusi si Ester ma, “Muda lomo roha ni raja i, sugari nian laing dipaloas ma ancogot mangulahi baenon ni halak Jahudi na maringanan di Susan on na nibaen ni halahi sadari on. Sada muse, digantung ma nian bangke ni angka anak ni si Haman i di angka tiang gantungan.”

ESTER 9:13 ပူးပေါင်းရင်းမြစ်များ

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

2 SAMUEL 21:9

Dipasahat ma halahi tu halak Gibeon, jana rap mate di gantungan ma sipitu halak i di ginjang dolok di adopan ni Tuhan. Di ujung ni musim bunga ma dipadalan uhuman mate i, di na mamungka manggotil jabaure.

ESTER 8:11

Dipaboa di angka surat i bahaso na bolas do halak Jahudi di sude kota laho marsada dohot mambela dirina. Muda hona serang halahi dibaen angka halak na marsinjata sian bangso sanga propinsi dia pe jadi, tola do halahi mangalosa dohot mambunu angka na mangaroro i bope dadaboruna dohot dakdanakna; tola do sambolon ni halahi angka musu i lopus abis dohot mangarampas sinadonganna.

ESTER 9:14

Dung i dilehen raja i ma parenta laho patuluskon pangidoan ni si Ester i; diparuar ma surat parenta tu kota Susan jana digantung ma bangke ni angka anak ni si Haman i.

ESTER 9:15

Jadi di tanggal opat bolas bulan Adar, marlagut ma halak Jahudi na di Susan mangulahi jana dibunu halahi ma tolu ratus halak nari di kota i. Jana dison pe nada dirampas halahi anggo arta sanga na aha pe.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

PANGARATAION 21:23

nada tola padiaron bangke i disi saborngin i, tapi angkon di na sadari i do i kuburkonon, angke mangalap uhum ni Debata do bangke na gantung di tiang i. Dikuburkon ma bangke i anso ulang dipahodar hamu tano na giot silehenon ni Tuhan Debatamunu i di hamu.