ESTER 8:7 - BIBEL JAMITA NA DENGGAN

⁷ Jadi didok Raja Ahasweros ma tu Ratu Ester dohot si Mordehai, “Tutu nian anggo si Haman madung hugantung hara ni na giot abiskononnia halak Jahudi, jana sinadongannia pe madung hulehen tu ho Ester.

ESTER 8:7 ပူးပေါင်းရင်းမြစ်များ

ESRA 4:6

Di parmulaan ni Raja Ahasweros mamarenta, mambaen surat gugatan ma angka musu ni halak Jerusalem dohot Juda.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 7:9

Jadi didok si Harbona sada sian pangoloi i, “Rajanami, adong do di bagas ni si Haman tiang gantungan dua pulu dua meter gincatna. Na nipajongjong ni si Haman do i laho manggantung si Mordehai halak na dung paluahon hosa ni raja i!” Dung i ninna raja i ma: “Gantung hamu ma si Haman tu tiang i!”

ESTER 8:1

Laing di ari i dilehen Raja Ahasweros ma tu Ratu Ester sandok sinadongan ni si Haman musu godang ni halak Jahudi i. Dipaboa si Ester ma tu raja i bahaso na iboto sian amantuania do si Mordehai. Jadi mamungka sian i dilehen ma hak tu si Mordehai laho mangadop tu raja i so pola jolo dipiohon.

PODA 13:22

Halak na denggan pateankon sinadongan tu pomparanna; sinadongan ni pardosa pinda ma i tu halak na burju roha.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”