ESTER 8:17 - BIBEL JAMITA NA DENGGAN

¹⁷ Songon i muse di sandok kota dohot propinsi, sanga na di dia tehe disise surat parenta ni raja i, marjop ni roha ma angka halak Jahudi, marsonang-sonang maradu marpestai. Bahat muse dope sian jolma i na masuk gabe bangso Jahudi dibaen mabiar do halahi mida bangso i.

ESTER 8:17 ပူးပေါင်းရင်းမြစ်များ

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

ESTER 9:17

Di tanggal tolu bolas bulan Adar ma i tarjadi. Ancogotna i di tanggal opat bolas, nada dibunu halahi be sanga na ise pe, tapi marpesta ma halahi di ari i marmoga-moga.

ESTER 9:19

I ma dalanna umbaen na tanggal opat bolas bulan Adar gabe ari jop ni roha di halak Jahudi na maringanan di angka kota na menek-menek na gabe ari pesta siriaon lalu marsipiringan silua na marrumang sipanganon.

ESTER 9:2

Marlagut ma halak Jahudi di ganop kota jana marsada laho mangalo sude halak na marroha jahat tu halahi. Mabiar be ma angka bangso sanga na di dia pe tu halahi gabe umpe adong sada halak pe na barani mangadopi halahi.

ESTER 9:22

Harana di ari i ma antong halahi manaluhon angka musu ni halahi, gabe muba ma pardangolan dohot hapariron ni halahi gabe jop ni roha dohot hamogaan. Jadi hara ni i angkon rayahonon ni halahi do angka ari i marhite pesta dohot parjamu-jamuan lalu marsipiringan sipanganon dohot mangalehen sidoka tu halak na miskin.

ESTER 9:27

i ma dalanna gabe dibaen halahi sada paraturan di halahi sandiri, di pomparan ni halahi dohot di sude halak na giot gabe anggota ni bangso Jahudi. Mangihutkon paraturan i, ganop taon angkon rayahonon ni halahi do sudena ari na nitontuhon ni si Mordehai i.

ESTER 9:3

Dohot muse noma sude angka halak na sangap-sangap di propinsi, angka gubernur, bupati maradu angka na marjabatan di harajaan i manyokong halak Jahudi dibaen mabiar do sudena tu si Mordehai.

MASMUR 105:38

Mabiar halak Mesir mida halahi, gabe marjop ni roha halak Mesir di na kehe halahi.

MASMUR 18:43

Dipalua Ho au sian bangso na durako, dibaen Ho do au raja ni angka bangso. Bangso na so hutanda nahinan, saonnari madung huparhatoban.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

PANGARATAION 11:25

Di sude luat i, baenon ni Tuhan Debatamunu i ma gok biar angka bangso i maradopkon hamu, songon na dung dijanjihonNia, lopus nada adong sahalak pe na mangambati hamu.

PANGARATAION 2:25

Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

JOSUA 2:11

Disi hami bege barita i, gabe sun ma biarnami. Ma pola mago habaranion nami hara ni hamu. Debata ni langit dohot tano do anggo Tuhan Debatamunu.

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”