ESTER 8:15 - BIBEL JAMITA NA DENGGAN

¹⁵ Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 8:15 ပူးပေါင်းရင်းမြစ်များ

PAMUNGKAAN 41:42

dibuka raja i ma tintin na maruhir, sitempel ni harajaan, jana dipamasuk ia ma i tu jari-jari ni si Josep. Dipapakehon raja i muse ma tusia sada baju juba na sian linen na halus jana dipamasuk ia muse ma tu rungkungna i sada borgok sere.

ESTER 1:6

Dihias ma alaman ni bagas godang i dohot tire na sian abit linen na rata langit dohot na bontar na nitambat dohot tali linen na halus jana disangkotkon di golang-golang perak na dibaen di angka tiang marmar. Di toruna i dibaen ma angka podom-podoman sian sere dohot perak di ginjang ni lante na dipajeges dohot marmar na bontar, hablur na rara, lampak ni mutiara na manyirlak dohot batu pirus na balau.

ESTER 10:2

Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 5:1

Di ari patoluhon si Ester na puaso i, dipake ia ma pakean ratunia, lalu kehe ma ia tu alaman na di bagasan bagas godang i jana jongjong ma ia di jolo ni pintu ni balerongna i. Topet do juguk raja i di ginjang ni habangsa na mangadop tu pintu i.

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

ESTER 6:11

Jadi dibuat si Haman ma pakean dohot kudo i jana dipapakehon ia ma pakean i tu si Mordehai. Dung manengget si Mordehai tu kudo i, diudurkon si Haman ma ia mamolus tano lapang ni kota i, marsurak-surak, “Ligi hamu bo, songon on ma pangalehen ni raja i laho mangargahon halak na niparsangapanna!”

ESTER 8:14

Jadi kehe ma angka suruan i manengget kudo ni raja i. Di Susan kota sabungan ni negara i pe disisehon do parenta i.

PODA 11:10

Jagar do kota muda marrasoki halak na jujur; muda mate halak na jahat, marsurak-surak halak na bahat.

PODA 28:12

Muda markuaso halak na burju, sude halak sonang, muda mamarenta halak na jahat, nada ra be rayat campur tangan.

PODA 29:2

Muda mamarenta halak na tigor, moga ma halak na bahat. Tapi muda markuaso halak na jahat marhancit ma rayat.

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MATEUS 6:29

Tapi Hudok ma tu hamu, si Salomo na kayo i pe nada jabat dipake ia pakean na jeges songon bunga-bunga i!

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.