ESTER 8:14 - BIBEL JAMITA NA DENGGAN

¹⁴ Jadi kehe ma angka suruan i manengget kudo ni raja i. Di Susan kota sabungan ni negara i pe disisehon do parenta i.

ESTER 8:14 ပူးပေါင်းရင်းမြစ်များ

1 RAJA-RAJA 4:28

Ganop gubernur i angkon mangalehen jawawut dohot durame panganon ni kudo ni si Salomo, bope kudo tunggang sanga kudo kareta. Dioban do panganon ni kudo i sanga sadia bahatna na diporluhon.

2 JUJUR TAON 30:6

Hara ni parenta ni raja i dohot angka pagawena, disuru ma angka utusan tu sude Juda dohot Israel laho maroban angka surat i, songon on ma hatana, “Hamu halak Israel! Madung malua hamu sian kuaso ni halak Asur. Saonnari sai mulak ma hamu tu Tuhan, Debata na nisomba ni si Abraham, si Ishak dohot si Jakob, anso mulak muse Ia tu hamu.

NEHEMIA 1:1

On ma lapuran ni si Nehemia anak ni si Hakalya salaho tu angka na nibaennia. Di bulan Kislev taon padua puluhon mamarenta si Artahsasta gabe raja di Persia, au, si Nehemia topet do di Susan, kota sabungan ni harajaan i.

ESTER 1:2

Di hatiha i, i ma hatiha mamarenta Raja Ahasweros di habangsa harajaonnia di kota Susan.

ESTER 2:3

Diangkat raja i ma nian sugari angka pagawe di sude propinsi ni harajaan on laho manjalahi bujing-bujing na jeges laho marobansa sude tu bagas godang ni dadaboru na di Susan on. Si Hegai kapala ni pangoloi na di inganan ni dadaboru ma mangurus halahi dohot na mangarawat hajegeson ni halahi.

ESTER 3:14

Angkon pabotohononkon do boa-boa i di sude propinsi anso sude halak hobas hian di ari na dung ditontuhon i.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 8:13

Angkon songon undang-undang do surat i diharuarkon jana dipabotohon tu sude halak di sandok propinsi anso hobas halak Jahudi mangalo musuna muda dung dapot ari i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,

1 SAMUEL 21:8

Dung i marsapa ma si Daud tu si Ahimelek, “Adong dehe disimpan amang tombak sanga podang na bolas pakeonku? Gabe mopop sajo do parkehengku dibaen parenta na sian raja i, gabe nada sanga be mambuat podangku sanga sinjata na asing pe.”