ESTER 8:13 - BIBEL JAMITA NA DENGGAN

¹³ Angkon songon undang-undang do surat i diharuarkon jana dipabotohon tu sude halak di sandok propinsi anso hobas halak Jahudi mangalo musuna muda dung dapot ari i.

ESTER 8:13 ပူးပေါင်းရင်းမြစ်များ

ESTER 3:14

Angkon pabotohononkon do boa-boa i di sude propinsi anso sude halak hobas hian di ari na dung ditontuhon i.

ESTER 8:14

Jadi kehe ma angka suruan i manengget kudo ni raja i. Di Susan kota sabungan ni negara i pe disisehon do parenta i.

MASMUR 68:23

anso basu hamu patmunu dohot mudar ni halahi, jana angka pananggamunu sabutong-butongna mandilati.”

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

HALUMBAAN 6:10

Jana pio-pio ma halahi marsora na gogo ninna ma, “Ale Tuhan, na badia jana na sintong! Sadia honok nari dope anso diuhumi, jana dibaloskon Ho mudarnami tu angka na maringanan di tano on?”

HAKIM-HAKIM 16:28

Di hatiha i martangiang ma si Simson; didok ia ma, “Ale Tuhan Debata, sai ra ma Ho jolo marningot au. Laing lehen ma jolo hagogoon di au sanoli nari on, o Debata, anso laing tarbaloskon au sakali on pambaenan ni angka halak Pilistin on na mangholuk anak ni matangkon dua-dua.”